attaviitsoq
Atassutip Inatsisartunut ilaasortatuani annaavaa
Aqagu tallimanngornermi uIlaakkut Inatsisartut upernaakkut ataatsimiinnerata aallartinnginnerani taarseraattoqarpoq. Aaja Chemnitz Larsen ilaasortanngorluni Ane Hansen anisoq IA nalunaarutigaa, Atassutillu ilaasortatuani Mala Høy Kuko annaavaa.
Inatsisartut nittartagaanni ilaasortat allattorsimaffianni, atuarluartup malugissavaa, Mala Høy Kukop atiata eqqaani allaqqasoq: Attaviitsoq.
Pissutaa ilisimaneqanngitsoq
Maanna Atassummut ilaasortaajunnaarsimanera pillugu partii tusagassiuutinut nalunaaruteqanngilaq. Kisianni ilaasortaajunnaarsimanini Facebookimi quppernermini uppernarsarpaa.
Sermitsiaq.AG-p Atassutip siulittaasuani Siverth K. Heilmannimik oqaaseqartitsiniarnini iluatsinngilaa.
Taamaalilluni Atassutip ammut ingerlanera imaannaanngilaq.
Aamma atuaruk: Politikkikkut naliliisartoq: Kristiansenip partii kiviartortoq qimappaa
Januaarimi Knud Kristiansen siulittaasutut tunuarpoq, taamanilu politikkikkut naliliisartoq Sten Lund Sermitsiaq.AG-mut ima oqarpoq:
- Atassut piffissami sivisuumi kiviartornikuuvoq, Knud Kristiansenillu aaqqiivigisimanngilai. Toqqaannartumik oqaatigalugu partiimut iluaqutaasimanngilaq, politikkikkut naliliisartoq erseqqissaavoq, aqutsisumillu nukittuumik ujartuilluni. Partiip Inatsisartunut ilaasortaatitaqarunnaarnerani, Siverth K. Heilmann toqqagaq eqqortuunersoq nalunarpoq.
Aamma atuaruk: Aaja Chemnitz Larsen Inatsisartunut ilannguppoq