Tunu
Atassut sangujoraarneraraat
Partiip imigassanik aalakoornartulinnik kimittuunik akuersaarlutillu akuersaannginnerat, Kommuneqarfik Sermersuumi Inuit Ataqatigiit tupigusuutigaat
Ittoqqortoormiini imigassamik kimittuumik aalakoornartulimmik tuniniaanermut inatsisinut tunngatillugu, Atassutip politikkia suua?
Inuit Ataqatigiit Kommuneqarfik Sermersuumi kommunalbestyrelsimi gruppiata apeqqut taanna qaqippaa.
Atassutip kommunalbestyrelsimut ilaasortaatitaata Erling Madsenip maajimi tamatumunnga tunngatillugu killilersuinerup unitsinneqarnissaanik siunnersuuteqarneranut, IA tikkuussivoq - siunnersuulli akuerineqarnikuunngilaq.
2001-imili
2001-illi kingorna Ittoqqortoormiini imigassanik kimittuunik (15 procentimit kimittunerusunik) pisisoqarsinnaanngilaq. Kisianni kommunimi politikeri aammaaqqittoqartariaqartoq isumaqarpoq, inatsisinik unioqqutitsilluni atuinerup nalinginnaalernera pissutigalugu, aammalu innuttaasunut sunniuteqarnissaanik kissaataasoq iluatsinngimmat.
Kisianni aggustip 19-ani Atassutip siulittaasorisimasaa, Steen Lynge, tusagassiuutitigut nalunaaruteqarpoq, killormorluinnarlu iliorluni Tunumi imigassamik matusilluinnarnissaq siunnersuutigalugu.
Atuaruk: Tunumi imigassamik tuniniaaneq unitsikkallarneqarnissaa siunnersuutigigaa
Taamatullu nikeriasaarneq Atassutip politikkiata suuneranik IA-mut apeqqusiititsivoq.