ukiortaami oqalugiaat
Atassut: Nunarput annertuunik unammilligassaqarpoq
Ineriartorneq annertusarneqassappat susassaqartut tamarmik suleqatigiinnissaat pingaaruteqarpoq, partii taama oqariartuuteqarpoq
Inuussutissarsiornikkut inerisaaneq ukioq nutaamiit aallartissasoq Atassutip siulittaasuata Knud Kristiansenip ukiortaami oqaaseqaammini oqaatigaa.
Sermitsiaq.AG-mit Knud Kristiansenip ukiortaami oqalugiaataa tigulaariffigaarput:
'Innuttaasut peqataalluinnartinneqassapput, anguniakkat suulluunniit inuiaqatigiinnut pingaaruteqarput, tamannalu qularnaarniarlugu Atassummit suleqqissaagut.
Namminersortutut inuussutissarsiorneq nunatsinni periarfissaqarnerusariaqarpoq.
Innuttaasut imminnut napatissinnaanerinut tunngaviit nukittorsarneqassapput, minnerunngitsumillu inuiaat ataatsimut ineriartoqatigiinnissaat aqqutissiuutissaaq.
Tamanna Atassummiit siuttuuffigissavarput’, ilaatigut partii Atassut ukiortaami oqalugiaammini taama allappoq.
Partiip ukiortaami oqaaseqaataa tamakkiisoq allaaserisap talerpiata tungaani atuarsinnaavat