Ilulissat
Atassut Ilulissani aallarteqqippaat
Siornatigut naalakkersuisuni ilaasortaq Atassummut uterpoq
Peqqissutsimut naalakkersuisuni siornatigut Atassut sinnerlugu ilaasortaq Edvard Geisler Atassummut uterpoq ukiut arlallit Siumumi ilaasortaareerluni. Atassutip Ilulissani immikkoortoqarfiata aallarteqqinnerani Edvard Geisler siulittaasutut toqqarneqarpoq.
Atassut Ilulissani ukiut arlallit uninngareersoq aallarteqqinniarlugu pingasunngornermi ataatsimiinnermi aallarteqqinneqarpoq.
- Atassut Ilulissat inuiaqatigiit pillugit oqalliseqataanissamut, innuttaasut pillugit suliniutaasunut kiisalu nunatsinni innuttaasut atugaasa pitsanngorsarneqarnissaannut suleqataanissaminut piareerpoq, Edvard Geisler oqarpoq.
Atassutip Ilulissani siulersuisui tassaalerput: Siulittaasoq, Edvard Geisler, siulersuisunut ilaasortat, Aqqalu Jeremiassen, Olinnguaq Jensen, Arne Schmidt, Knud Fleischer, kiisalu Atassutip Inuusuttaaniit Emanuel Brandt.