Suliniutinut angisuunut inatsit

Atassut Aleqamut akerliliivoq

Suliniutini angisuuni suliamut paasisaqarsinnaanissaq Atassutip mattukkumanngilaa taamalu Naalakkersuisut siulittaasuat Aleqa Hammond Siumumeersoq akerlilerlugu

Allagaatinik takunnissinnaanermut malittarisassat allanngortinnissaannik Naalakkersuisut siunnersuutaat Atassutip akerleraa

Inatsissatut siunnersuut Naalakkersuisut siulittaasuat Aleqa Hammondip Siumumeersup saqqummiussaa Atassummit akerlilerneqarpoq. Suliniutini angisuuni paasissutissanik pissarsisinnaaneq Aleqa Hammondip killilerniarpaa, Atassutilli piumasaraa paasisaqarsinnaajuaannarnissaq.

Siunnersut namminersorlutik oqartussat tusarniaanermut nittartaagaannut ilineqarnikuuvoq. Maannalu Atassutip siulittaasua Gerhardt Petersen nalunaarpoq akerliusut oqariartuutaat tassanilu demokratip tatiniarnera paasisinnaallugu.

- Tamannarpiaq Atassummiit tusaatissatut tigullugu allagaatinik takunnissinnaatitaanerup aaqqissuussaasumik ammatinneqarnissaa ujartuiffigalugu qisuariaat manna pingaartillugu nalunaarutigaarput, Gerhardt Petersen oqarpoq.

Atassutip siunnersuutigaa allagaatinik takunnissinnaanissamik qinnuteqartut ilaannakortumik tamakkiisumilluunniit periarfissinneqartariaqartoq, taamalu takunnissinnaaneq periarfissaatillugu.

- Atassummiit Niuernerup iluani unammilleqatigiinnerup aqqani isertuussassat mianerinissaannut immikkoortoq soorngunami matumani ataqqineqarnissaa puiunngilarput, ilaatinneqarnissaalu qulakkeerinneqataaffigissallugu, Gerhardt Petersen oqarpoq.

Siunnersuut uani aasinnaavat.

Powered by Labrador CMS