Angallannermi kiffartuussinermut isumaqatigiissut

Atassummut qinigassanngortittoq: Uukapaasitaaneq unitsilli

Gerhardt Petersenip, Naalakkersuisut Diskolinellu isumaqatigiissutaat uukapaatitsinertut nalilerpaa.

Disko Line, Najaaraq Ittuk
Qulimiguulimmiik angallammut nuutsitsiinnartoqarsinnaanera atuisunik atornerluinerusoq, Atassummeersoq, Gerhardt Petersen isumaqarpoq.

Kommune Kujallermi Atassut tunuliaqutaralugu kommunalbestyrelsemut qinigassanngortittup Naalakkersuisut kujataani angallassinissamik Diskoline-mut isumaqatigiissusiorsimapput ilaatsigut ima imaqartumik ”Angallammik angalagit kisianni qulimiguulimmut akiliillutit” tamannalu pisiniarnermi inatsimmik unioqqutitsinerusoq isumaqarfigaa.

Atuaruk: Angallammik angalagit kisianni qulimiguulimmut akiliillutit

– Naluneqanngilaq atuisartunit akit qanoq nikingatigisut qulimiguulimmik Bell 212-mut imaluunniit Aviaq Ittummut ilaagaanni.

Assersuutit piviusut Kujataani angalanermi pilersaarutini aamma takuneqarsinnaasut.

Qaqortoq – Narsarsuaq Bell 212 akia kr. 1.061,00, Targa kr. 750,00, Aviaq kr. 550,00

Gerhardt Petersen kommunimut qineqqusaarnermi taama oqallissaarivoq.

Bell 212-miit Targa-mut nuutitaaguvit kr. 311,00 annaaneqassapput, imaluunniit Aviaq-mut nuutitaasimagaanni annaaneqassapput kr. 511,00, aningaasat annaaneqartut saniatigut piffissaq 1 time 20 min. annaaneqassapput Targamut ilaagaanni taavalu Aviaq Ittumut ilaagaanni 4 timer 5 min.

Akuersaarneqarsinnaanngilaq

– Tamanna naapertuilluarnerunngilaq akuersaarneqarsinnaananilu!, Atassutip qinigassanngortitaa allappoq, piumasaralugulu nutaamik isumaqatigiinniartoqaqqinnissaa, minnerpaamillu piumasarineqassasoq qulimiguulimmiit angallammut nuutitaasimatillugit akip nikigassutaa utertinneqassasoq.

Powered by Labrador CMS