Atassut
Atassummi siulittaasuusimasoq: Steen Lynge siulittaasunngortariaqarpoq
Atassummut siulittaasuusimasup Daniel Skiftep partiip inissisimaffia ajuusaarutigaa. Steen Lynge siulittaasussaqqinnerpaasoq, taanna oqarpoq
Sapaatip akunnerata aallartinnerani saqqummiunneqareersutut, Atassutip siulittaasua Knud Kristiansen partiimi siulittaasutut tunuarpoq, tamatumalu saniatigut partiimit aniniarluni aalajangerpoq.
Qulutannguaq Berthelsen maanna partiimi siuilttaasuugallarpoq.
Atuaruk: Knud Kristiansen Atassummit anivoq
Aningaasaqarneq ukkatarinerulerlugu
Partiimi siornatigut siulittaasuusimasoq, Daniel Skifte, Atassummi 1995-imit 2002-mut siulittaasuusup, Knud Kristiansen taamaatilluni partii qimammagu tupigusuppoq.
- Partii tassanngaannaq qimammagu (Knud Kristiansenip, aaqq.) eqqumiigaara, tamannalu partiimut uggornarpoq, Daniel Skifte, Sermitsiaq.AG-mut taama oqarpoq.
- Kisianni ukiuni kingullerni partiip tunngavinni malinnikuunngilaa. Nunarput ullut ilaanni namminersulivikkumaarpoq, kisianni partiip aningaasaqarneq ukkatarinerusimasariaqaraluarpaa, taanna erseqqissaavoq.
Atuaruk: Politikkikkut naliliisartoq: Kristiansenip partii kiviartortoq qimappaa
Toqqagassaqqinnerpaaq
Siulittaasunngortorlu illoqarfiit pingaarnersaanniissasoq, Daniel Skiftep neriuutigaa.
- Siulittaasunngortoq Nuumminngaanneersuuguni partiimut pitsaanerpaassaaq, tusagassiorfiit siulittaasunngortoq attaviginiarunikku ajornannginnerussammat.
- Steen Lynge siulittaasutut toqqagassaqqinnerpaavoq. Siulittaasussatut piukkunnarnerpaavoq, siornatigut politikeriusimasoq oqarpoq.
Atuaruk: Siulittaasuugallartoq: Politikerit misilittagartuut akisussaaffimmit qimaasut