Ataatsimoortumik tapiissutit pillugit isumaqatigiissuteqartoqarpoq

1.319.849.000 koruunit.

Taamatut atsigisumik 2016-imi kommunit Namminersorlutik Oqartussanit ataatsimoortumik tapiissutisissapput. Illuatungeriit marluusut taamatut isumaqatigiissuteqarput. Namminersorlutik Oqartussanit kommuninut ataatsimoortumik tapiissutit aningaasartuutinut arlalinnut matussutaassapput – inatsisitigut pisussaaffigalugit aningaarsartuutinut soorlu ineqarnermut tapiissutinut aamma siusinaartumik pensionisianut innarluutilinnut aamma ulloq unnuarlu aningaasartuutinut.

- Ataatsimoortumik soqutigisaqarfiusuni, sammisaqarfinnit tamani itinerusumik annertunerusumillu suleqatigiinniarlutik Namminersorlutik Oqartussat Kanukoka-lu isumaqatigiipput. Ilaatigut pineqarput suliniutinut pitsaanerusumik ataqatigiissaareqatigiittarnissaq – aamma ataatsimoorussamik misissuinernik arlalinnik aallartitsinissaq, taamaalilluta aningasaatigut pitsaanerpaamik sunniuteqarluartumillu atorluarnerusinnaassavavut.

Naalakkersuisoq Anda Uldum Demokraatineersoq aamma Kanukokami siulittaasoq Palle Jeremiassen nalunaaruteqarput.

Suliniutit
Suliniutinut assersuutit tassaapput, meeqqat atuarfiata, inuusuttunut suliniutit, digitalinngorsaanerup, siusinaartumik pensionisianik aaqqissuusseqqinnerup immikkoortullu aningaasaleeqatigiffiusut nalilersorneqarnerisa malitseqartitsiffiginissaat.

Namminersorlutik Oqartussat ilaatigut suliniutit arlallit meeqqallu atuarfiannik aaqqissuusseqqinneq, inuusuttunut tunngasunik suliniuteqarneq siusinaartumillu pensionisiat pillugit suliniutit aallartippaat, siunissami unammilligassanut ersiutaatinniarlugit, aaqqissuussaanermut tulluarsarnissaq siunertaralugu.

- Sammisat taaneqartut nukittorsarneqarnissaat ataatsimoorullugu soqutigisaraarput, inuiaqatigiinni aaqqissussaanikkut ajornartorsiutit aaqqiiffiginiassagatsigit. Sammisat taaneqartut nukittorsarneqarnissaat ataatsimoorluta soqutigisaraarput, taamaalilluta inuiaqatigiinni aaqqissuussaanikkut ajornartorsiutit aaqqinniassagatsigit, Anda Uldum nassuiaavoq.

Aningaasaqarneq
Palle Jerimiassen aamma oqaaseqaateqarpoq:

- Kommunit aningaasaqarnerat ilungersunartorsiorpoq. Taamaattumik, nunami innuttaasut nuannaarutissinniarlugit – qanoq iliorluta pissutsit pitsaanerulersissinnaanerlugit paasiniarlugu nutaamik aqqutissarsiortariaqarpugut. Isumaqatigiissut ilorraap tungaanut alloriarneruvoq.