Ataatsimoorluni ineriartortitsinermut aningaasaateqarfimmik pilersitsisoqalersoq
Danmarkip Kalaallit Nunaannut amerlanerusunik aningaasaliissuteqarsinnaanera misissorneqarpoq
Mittarfiliornissamut aningaasaliissutissat pillugit ippassaq eqqartuisoqarnerani Danmarkip Kalaallit Nunaannut siammasinnerusumik aningaasaliissuteqartalernissaanut atatillugu eqqartuisoqarpoq.
Ataatsimoorluni ineriartortitsinermut aningaasaateqarfimmik pilersitsinissamut periarfissat tassunga atatillugu misissorneqassapput.
- Statsministerip aamma Naalakkersuisut Siulittaasuata aammattaaq isumaqatigiissutigaat erhvervsministeri aamma Inuussutissarsiornermut Nukissiuuteqarnermullu Naalakkersuisoq qinnuigineqassasut annertunerusumik suleqatigiinnissamut siunnersuusioqqullugit danskit inuussutissarsiortuisa pensionskarsiisalu Kalaallit Nunaannik ilisimanninnerulernissaannik aningaasaliinissamullu soqutiginninnerulernissaannik siunertaqartumik, statsministerip Naalakkersuisullu siulittaasuata ataatsimut oqaaseqaataanni atuarneqarsinnaavoq.
Lars Løkke Rasmussenip taamaattumik pilersitsisoqarnissaa soqutigalugu oqariartuuteqareersoq Kalaallit Nunaat tamatumunnga tunuarsimaarneruvoq.
Pilersitsinissamulli periarfissat maanna misissorneqalerput.
- Ataatsimoorluni aningaasaateqarfiup Kalaallit Nunaanni siuariartornissamut ineriartornissamullu periarfissat pitsaanerulersissavai, Lars Løkke Rasmussen oqarpoq.