Skip to main content

Ataatsimiisitaliaq: Ilanngaat qaffanneqassaaq

Akileraartarnermi inummut kiisalu nalinginnaasumik ilanngaat aningaasat pisissutaasinnaanerisa nalikilliartornerani eqqorneqarsimammata nalimmassartariaqartoq Aningaasaqarnermut Akileraartarnermullu ataatsimiisitaliap kissaatigaa. Taamaalilluni ilimanarsivoq innuttaasut ukiumut 77.000 koruunit sinnerlugit isertitaqartartut ukiumut 8.000 koruuninik kaasarfimmioqarnerulersinnaanerat.

Nalunaaqutaq 12.57 naqqiissuteqarfigineqarpoq: Demokraatineersoq Niels Thomsen ilisimatitsivoq ataatsimiititaliami ataatsimiinnermi peqataasimalluni, naak isumaliutissiissut atsioqataaffigisimanngikkaluarlugu.

Aningaasaqarnermut Akileraartarnermullu ataatsimiisitaliap naalakkersuisoq Pele Broberg akileraartarnermut ukiumut ilanngaataasartut 2005-imili nalimmassarneqarsimanngitsut pillugit isumasioqatigisimavaat.

Ilanngaat nalimmassarneqarsimanngitsoq

Pele Brobergip isumasiorneqarnermini ilisimatitsissutigisimavaa aningaasat pisissutaasinnaanerisa nalikilliartornerani inummut kiisalu nalinginnaasumik ilanngaat inummut ataatsimut kommuunimut akileraarut 42 procentiutillugu 7.941 koruunit nalinganut appariarsimasoq, taamatullu aamma kommunimut akileraarut 44 procentiutillugu 8.320 koruuninik nalinga appariaateqarsimasoq.

Aningaasaqarnermut akileraartarnermullu ataatsimiisitaliaq isumaliutissiissummi allappoq, “minnerunngitsumik inummut ilanngaatip aammalu ilanngaatip aalajangersimasup akissarsiat akillu ineriartornerannut malinnaatinneqarsimannginnerat.
Ilanngaatit taakku marluk 2005-imili iluarsiissutegarfiginegarsimanngillat.
Taamaalillunilu ilanngaatit assut nalikilliallassimallutik. Tamatuma aaqqiiviginissaata Aningaasaqarnermut Naalakkersuisumit sulissutigineqarnissaa ataatsimiititaliamit kissaatigineqarpoq.”

Isumaliutissiissummi isumasioqatigiinnermiluunniit naqitani atorneqartuni Pele Brobergip isumasioqatigiinnermi ersersinngilaa Naalakkersuisut ilanngaatit taakkua marluk qaffanneqarnissaat tapersersorneraa.

Amerlanerussuteqartut kissaataat

Kisianni tassa ataatsimiisitaliami Siumumit, Partii Naleqqamit aamma Inuit Ataqatigiinnit ilaasortaatitaqartumit, Inatsisartunilu amerlanerussuteqarlutik tunuliaquteqartunit, siunnersuutigineqarpoq. Inatsisartuni ataatsimik ilaasortaatitaqartut, Nunatta Qitornai aamma Suleqatigiissut, ataatsimiisitaliami ilaasortaatitaqanngillat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER