Timersoqatigiit
Ataatsimeersuartitsineq timersornerup siunissaanut tunngassaaq
Kalaallit Nunaannit Timersoqatigiit Kattuffiata peqatigiiffiit timersoqatigiiffillu akunnerini suleqatiginneq pilersinniarpaat aamma iliuusissamik nassuiaasiussapput
Pingasunngornermi aggustip 17-ani Kalaallit Nunaannit Timersoqatigiit Kattuffiata siunissami timersorneq 120-inik peqataasoqarluni ataatsimeersuarneq aallartissavaa.
Ataatsimeersuarneq Nuummi Hotel Hans Egedemi pissaaq, GIF-ip taanna Idrættens Analyseinstitut, Elite Sport Greenland, Dansk Boldspil-Union aamma Lokale og Anlægsfonden peqatigalugit aaqqissuuppaat.
Atuaruk: Timersornerup kulturillu aqqani Inatsisartuni ataatsimiinneq
Tassani periarfissat sammineqassapput, 30-t sinneqartut saqqummiisuussapput aamma peqataasut 120-t kalaallit periarfissarisaat unammilligassaallu aammalu Kalaallit Nunaanni timersorneq siammasissumik isigalugu pillugit saqqummiussuillutik oqaluttuassapput.
Suleqatigiinneruneq
Ataatsimeersuarnermi Idrættens Analyseinstitutip Kalaallit Nunaanni timersornermik misissugaa aammalu Kalaallit Nunaani Timersoqatigiit Katuffiata 2016-imiit 2019-imut pilersaarutai aallaaviussapput.
Nunatsinni timersortartut peqatigiiffiisalu suleqatigiillutik ineriartortitsinissat neriuutaavoq.
Timersornermik sammisaqartut tamarmik qaninnerulersinneqassapput, periarfissanillu suleqatigiinnernik nutaanik pilersitsisoqassaaq.
Atuaruk: Sermersooq Timersornermut Siunnersuisooqatigiinnik pilersitsivoq