Siumup ataatsimeersuarnera

Ataatsimeersuarnermi pissanganartoq: Kim imaluunniit Vittus?

Ullumi sisamanngornermi pissanganartoqassaaq, tassani Siumut siulittaasumik, politikkikkut siulittaasup tullianik, siulittaasup tulliata aappaanik, kiisalu siulersuunernik nutaanik qinersiffiussaaq.

Siumut landsmøde i Sisimiut
Landsmødet i Siumut skal i dag afgøre, om det bliver Vittus Qujaukitsoq eller Kim Kielsen, som skal være formand for Siumut.

Siumup nuna tamakkerlugu ataatsimeersuarneranut aallartitanut 150-iusunut ulloq takissamaarpoq, tamanna ulluni makkunani Sisimiut timersortarfianni ingerlanneqarpoq. Ullumikkut apeqqut annertooq tassaavoq, partiip Kim Kielsen siulittaasoriinnarusunneraaa, imaluunniit Vittus Qujaukitsoq siulittaasorerusussaneraat.

Allamik qinigassanngortittoqarnikuunngimmat taakku marluk siulittaasunngorniutissapput.

Katersuuffiusinnaasumik pingajuattut qinigassanngortittoqarnissaanik eqqoriaasoqarnikuugaluarpoq.

Namminiilivinnissamik sulineq
Siulittaasutut qinigassanngortittut taakku marluk ingammik namminiilivinnissamut sulinerup sukkassusaa assigiinngissutigaat. Namminiilivinnissaq partiimit ataatsimut anguniarneqarpoq, kisianni Kim Kielsen tuaviorpallaanngilaq, qinigassanngorteqataali sukkanerpaamik namminiilivikkusuppoq.

Siulersuisuunernik, politikkikkut siulittaasup tullianik aamma qinersisisoqassaaq, Jørgen Wæver Johansenip tunuarnera pissutigalugu. Tamatuma saniatigut politikkikkut anguniakkat akuerineqassapput.

Ippassaq pingasunngornermi oqallisigineqartuni siulittaasup nalunaarutaat pingaarnersaavoq, tamatuma kingorna apeqqarissaartoqarlunilu oqallittoqarpoq, kiisalu partiip anguniagaanik saqqummiisoqarluni.

Siulersuisuunerit ullumikkut ukuupput:

  • Siulittaasoq, Kim Kielsen, Nuuk
  • Siulittaasup tullia, Jørgen Wæver Johansen, Qaqortoq
  • Siulittaasup tulliata aappaa, Ineqi Kielsen, Narsaq
  • Karl-Kristian Kruse, Nuuk
  • Evelyn Frederiksen, Sisimiut
  • Jakob Ludvigsen, Kangaatsiaq
  • Ejnar Lundblad, Sisimiut
  • Peter Davidsen, Nuuk
  • Poul Kielsen, Narsaq
  • Benjamin Kielsen, Narsaq
  • Martha Lund Olsen, Nuuk
  • Kiisalu Siumup inuusuttaannit sinniisut:
  • Steve Sandgreen, Qasigiannguit
  • Amalie Bourup, Nuuk

Sisamanngornermi programmi ilaatigut ukuninnga imaqarpoq:

  • Tunngaviusumik anguniakkanik akuersineq, siulittaasoq Kim Kielsen saqqummiussisuulluni
  • Tunngaviusumik anguniakkanut siunnersuutinik eqikkaaneq, siulittaasup tullia Jørgen Wæver Johansen saqqummiussisuulluni
  • Allannguutinik, siunnersuutinik, oqallisinik saqqummiussineq aamma partiip malittarisassaanik akuersineq, partiip allattaa
  • Siulittaasumik, siulittaasup tullianik, sulittaasup tulliata aappaanik, siulersuisuunernut ilaasortanik sisamanik, kiisalu ataatsimut siulersuisunut tallimanik qinersisoqassaaq.
Powered by Labrador CMS