paasititsiniaaneq
Ataata aamma anaana atualernissamut piareersimassapput
Namminersorlutik Oqartussat paasititsiniaaneq, 'Atualiliiv' - Skoleklar', angajoqqaanut saaffiginnittoq saqqummiuteqammerpaat
Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup nuna tamakkerlugu atuarneq pillugu pasasititsiniaaneq, 'Atualiliiv' - Skoleklar', angajoqqaanut saaffiginnittoq saqqummiuppaat.
Paasititsiniaanerup qiteraa sinittarnissaq, peqqinnartunik nerisaqartarnissaq, atuagaasiviup immerluarneqartarnissaa, meeqqap atuarneranik soqutiginninnermik isumassuinermillu pingaartuusoq - naatsumik oqaatigalugu atuarluarnissamik tunngavissaq.
- Atuartuuneq meeqqat inuunerannut pingaaruteqarluinnartuuvoq, pitsaasumillu atuarneq meeqqat atuarfimmi ilinniarnerannut atugarisaannullu pitsaasumik sunniuteqarsinnaalluni. Taamaammat pingaaruteqarpoq meeqqat tamarmik ilinniagassamik ilaannik aallartilluartitsinissaat aamma ilaqutariit ataatsimut ikioqatigiinnerisigut meerartavut pitsaanerusunik periarfissaqartilissavavut, naalakkersuisoqarfik erseqqissaavoq.
Paasititsiniaaneq pillugu atualiliiv.gl iserfigalugu atuaruk imaluunniit Facebookkimi malinnaagit.