københavn
Ataasinngorpat Danmarkimi erfalasoq qiteqqusimassaaq
Sapaatip akunnerata naanerani Københavnimi peqqarniisaartoqarnerata kingorna Danmarkimi erfalasoq qiteqqusimatinneqassaaq
Københavnimi saassussinermi eqqugaasut eqqaaniarlugit ataasinngorpat februaarip 16-ianni naalagaaffiup illutaani umiarsuaataanilu tamani erfalasoq qiteqqusimatinneqassaaq.
Taamatut tusagaassiorfinnut nalunaarutikkut allappoq Inatsisinik atortitsinermut Ministereqarfik.
– Eqqugaasut eqqaaniarumallugit politiillu ikilertissimasut ataqqiniarumallugit naalakkersuisut aalajangerput taaasinngornermi februaarip 16-ianni 2015 erfalasoq qiteqqullugu amuneqassasoq. Taamatut oqarpoq qallunaat inatsisinik atortitsinermut ministeriat Mette Frederiksen, Socialdemokraterne.
Sapaatip akunnerata naanerani Københavnimi saassussinermi angutit pingasut toqutaapput, politiillu tallimat ikiligaallutik.
– Tamanna peqatigalugu malunnartinneqassaaq oqartussaaqataanerput, naleqartitavut ataatsimooqatigiinnerpullu ataqatigiissutigigivut, Mette Frederiksen oqarpoq, ilanngullugulu erseqqissarpaa malunnartitsiniarneq tassaavoq eqquaasunik eqaaniaaneq, aammattaarli takutitsiniarnerusoq Danmarkip qunusiariumaneqannginneranut.
Sapaatiummat ullaakkut Københavnimi Politiit angut, Københavnimi marloriarluni saassussisutut pasineqartoq, angutinillu marlunnik toqutsillunilu politiinik tallimanik ikiliisoq, aallaallugu toquppaat.