Assit Qaannamik Nunatsinni pissartanngorniunneq

Qaqortumi qaannamik pissartanngorniunnermit ullup aappassaanit assit takukkit

Malinnguaq Kleist qajartortartutoqarlu Karl Larsen tallimanngormat qaannamik pissartanngorniunnermi kinngusaqattaarput Poul HardAngunnguaq Jakobsen Qaqortormiu, tallimanngormat qaannamik pissartanngorniunnermi kinngusaqattaartoq Poul HardTallimanngormat Qaqortumi qaannamik pissartanngorniunnermi dommerit saavanni kinngusaqattaarneq. Saamerliuvoq Dobside, USA-meersoq, qiterleq Kaaleeraq Thorleifsen Qaqortumi qajartortartut peqatigiiffianneersoq talerperlerlu Qaannat Kattuffiata siulittaasuata tullia Elias Inusugtoq. Poul HardKinngusaqattaarnerit tamaviaarnaqaaq, sungiussilluarsimasullu kisimik kinngusaqattaarsinnaapput. Aana ippassaq Qaqortumi pissartanngorniunnermit. Poul HardMeeqqat pinnguartinneqarput sungiussisimasut kinngusaqattaarneranni. Poul HardMeeqqat allunaasami pinnguarput. Pinnguaatikkut qaannamik kinngusaqattaarneq sungiusarneqartarpoq Poul Hard

Poul HardPoul HardPoul HardPoul HardPoul HardPoul Hard

Mads Pedersen

arfininng 12. juu 2014 15:08

Ippassaq Qaqortumi silagissuup ataani qaannamik unammiuaarnerit nuannersumik pissanganartumillu ingerlanneqarput.
Saaqqusersornerit, kinngusaqattaarnerit allunaariaqattaarnerillu unammissutigineqarput.
Isiginnaariat amerlasimapput, taama Poul Hard, Sermitsiaq.AG-mi allaaserinnittartoq assiliisartorlu oqaluttuarpoq.
– Ippassaq unammisaqattaarnerit unnukkut kingusissukkut aatsaat naammassigaluartut isiginnaariat amerlapput. Unammisaqattaarnerit Qaqortormiunit nuannarineqaqaat. Pingaartumik saaqqusersornerit pissanngatigineqarput, Poul Hard oqaluttuarpoq.
Ippassaq unamminerit :
Nal. 09:00 Ataasiakkaarluni kinngusaqattaarneq, Niviarsiaqqat/Nukappiaqqat 13-14-inik ukiullik
Nal. 09:30 Ataasiakkaarluni kinngusaqattaarneq, Arnat angutillu 15-niit qummut ukiullik.
Nal. 10.00 Allunaariaqattaarnerit, meeqqat 4-6, 7-9 kiisalu 13-14-nik ukiullik
17:00 Saaqqusersornerit meeqqat 10-12, 13-14-nik ukiullik.
Sermitsiaq.AG-p unammisaqattaarnerni inernerit pissarsiariniaraluarpai iluatsinngitsumilli.

Assit:
1) Meeqqat allunaariaqattaarnerat sakkortorpasippoq. Allunaariaqattaarneq kinngusaqattaarnissamut sungiusaataavoq.
2) Kinngusaqattaarneq oqimaallunilu sakkortuvoq. Sungiusarluarnikut kisimik taamaaliorsinnaapput.
3) Uani takuneqarsinnaavoq unammeqataasut illat dommerit saavani kinngusimalluni qaqisoq.
4) Meeqqat allunaariaqattaarput, misilittagallillu kinngusaqattaarlutik.
5) Aatannguaq Jakobsen Qaqortumeersoq.
6) Malinnguaq Kleist qajartullammak Karl Larsen ilagalugu.

assit timersoneq nunatsinnit