demokrati
Assit: Demokrati meeqqat inunngisaanni
Nuummi Atuarfik Hans Lyngemi atuartut pingasunngornermi qinersipput
Qineqqusaartoqarlunilu qinersisoqarpoq taasinernut nakkartitsiviit ilumoortut atorlugit Atuarfik Hans Lyngemi atuartut sinniisaanni siulittaasussamik qinersinermi. Periarfissaq iluatsillugu ulloq demokratimik malunnartitsiniaanertut atuarfimmit atorneqarpoq.
Ukiut pingajussaa tulleriinnik demokrati atuarfimmi malunnartinniarneqarpoq. Atuartut sinniisaanni siulittaasussamut qineqqusaartut qineqqusaarneq aqqusaarpaat ilaatigut qineqqusaarummik videomik sanasoqarluni. Atuartut allat qineqqusaartunut apeqqarissaarnissamut periarfissinneqarput atuarfiup eqaarsaartarfiani taasisoqarnissaa sioqqullugu.
- Peqqussut malillugu atuartut tamarmik demokratiskimik inuiaqatigiinni naleqartitsinermi atuisinnaanngorsimassapput. Tamannalu namminneq qinersinerminni qinerseqataasimanernertik sunneeqataasoq migissavaat, kiffaanngissusermillu demokrati aqqutigalugu nassataqartoq, taamatuttaaq aamma pisussaaffeqatigiinneq misigissallugu, Atuarfik Hans Lyngemi demokrati pillugu aaqqissuisut nalunaarput.