Qeqertarsuaq
Assit: Umiarsuaq takornariartaat Qeqertarsuarmut tikippoq
Tyskit takornariat 260-it sisamanngornermi Qeqertarsuarmiipput
Pisuttuartoqarlunilu imermik 938-mik ussiisoqarpoq umiarsuaq takornariartaat M/S Azores Qeqertarsuarmut sisamanngornermi tikimmat.
Umiarsuaq Nuummiillunilu Sisimiuneereerpoq. Pilersaarutaagaluarpoq umiarsuaq aamma Ilulissanut aqqusaassasoq. Tamannali taamaatinneqarpoq Ilulissat eqqaat sikoqarpallaaqimmat, Greenland Cruises nalunaarpoq.
Takornariat 100-ut Kuup iluanut pisuttuarput Qeqertarsuarmiut marluk Nuummeersorlu ataaseq ilisimasortaralugit. Takornariat aamma imeq 938 Qeqertarsuup ernganit pisoq pissarsiaraat tunisassiaq taanna malugineqarniassammat.
M/S Azores tallimanngornermi Qeqertarsuarmukassaaq ilaasut timmisartumut ilaallutik tassanngaanniit Europamukassammata.
Ilaasut nutaat Qeqertarsuarmi ikissapput taakkulu Sisimiunut, Ilulissanut, Qeqertarsuarmut, Nuummut Qaqortumullu ingerlaassapput umiarsuup Europamut utinnginnerani.
Assit ataani takukkit