Arsaannermi GM
Assit: Uku iligiit tallimat GM-mut anngupput
Angutit arsaallutik GM-qarnissaannut iligiit tallimat anngutereersimalerput. Qeqertarsuup tunuani angusat takukkit
Nagdlúnguak Ilulissaneersoq aamma G-44 Qeqertarsuarmeersoq ukiormanna arsaannermi kingumut naligeeqaat. GM-mut anngunniunnermi Qeqertarsuarmi mellemrundemi imminnut unamminerminni 0-0-mik naligiiginnarput taamalu pissartanngorniunnerit Nuummi naggataarneqarnissaannut anngullutik.
Nagdlúnguak aamma G-44 imminnut unamminissartik sioqqullugu anngunnissartik qulakkeerpaat tassanilu tassa naligiiginnarput.
- Qanoq naligiitsiginitsinnut tamanna takussutissaavinnersoq oqaatigiuminaappoq. Unammineq sioqqullugu tamatta anngutereeratta immaqa tamakkersorpallaanngilagut, G-44-mi sungiusaasoq Johan Frederik Zeeb oqaluttuarpoq.
Kugsak-45 qanoq sakkortutiginersoq pissanngatigineqarsimavoq. Taakku anngunniunnermi normu 3-nngirput taamalu anngutinngitsoorlutik. Taamaattoq Nagdlúnguamut unamminerminni akiuulluaqaat unamminerup naalernera tikillugu 2-2-mik naligiillutik. Taamaattoq unammineq nammassilluinnalersoq Nagdlúnguak isertitsivoq taamalu 3-2-mik ajugaanermigut anngunnini qulakkeerlugu.
Avannaani FC Malamuk anngutereerpoq aammalu TM-62 Kulusumiit anngulluni. NÛK aaqqissuisutut toqqaannartumik annguppoq. Kujataani anngunniunnerit ingerlaleruttorput uanilu sapaatip akunnerani qeqqani anngunniunnerit pissapput.
Aajuku Qeqertarsuarmi angusat:
Onsdag 16/07-14:
T 41 – N 48 0 – 10
I 69 – G 44 0 – 7
Torsdag 17/07-14:
T 41 – Kugsak 1 – 2
N 48 – I 69 9 – 0
Fredag 18/07-14:
G 44 – Kugsak 4 – 1
T 41 – I 69 1 – 1
Lørdag 19/07-14:
N 48 – Kugsak 3 – 2
T 41 – G 44 0 – 2
Søndag 20/07-14:
I 69 – Kugsak 0 – 5
N 48 – G 44 0 – 0
Saalamiit Møller Lorentzenip assilisai ataani takusinnaavatit