Ukiup ikiueqqaartui

Assit: Ukiup ikiueqqaartua Qaarsuni nersorneqartoq

Kalaallit Røde Korsiata inuit marluk ukiup ikiuillammattut nersornaaserpai. Nersornaaserneqartut tassaapput politeeq Jens Thorin Narsameersoq kiisalu qaarsormiu Edvard Nielsen

Qaarsormiu Edvard Nielsen a ikiuillammattut nersornaasiuttagaanik nersornaaserneqarpoq Kalaallit Røde Korsiat
Edvard Nielsenip nersornaasiuttagaq tigugaa
Qaarsormiu Edvard Nielsen Kalaallit Røde Korsiata ikiuillammattut nersornaasiuttagaanik nersornaaserneqarpoq Kalaallit Røde KorsiatEdvard Nielsenip nersornaasiuttagaq tigugaa Kalaallit Røde KorsiatQaarsormiu Edvard Nielsen Kalaallit Røde Korsiata ikiuillammattut nersornaasiuttagaanik nersornaaserneqarpoq Kalaallit Røde KorsiatEdvard Nielsenip nersornaasiuttagaq tigugaa Kalaallit Røde KorsiatQaarsormiu Edvard Nielsen Kalaallit Røde Korsiata ikiuillammattut nersornaasiuttagaanik nersornaaserneqarpoq Kalaallit Røde KorsiatEdvard Nielsenip nersornaasiuttagaq tigugaa Kalaallit Røde Korsiat

Arfininngormat oqaluttuaraarput politeeq narsarmiu Kalaallit Røde Korsiata ikiuillammattut nersornaasiuttagaanik nersornaaserneqartoq aasaq Uummannap eqqaani ajunaartoqarnerani annaasseqataanini pillugu.

Kisianni Jens Thorin Uummannap eqqaani juulip 27-ani umiatsiaq kinngummat annaassiniaqataasutut kisimi ikiuussimanerminut nersorniarneqarsimanngilaq.

Tassami nersornaasiuttagaq aamma ikiueqataanut tunniunneqarsimammat.

Atuaruk: Narsami politeeq nersornaaserneqartoq

Umiatsiaq arfinilinnik ilaasulik kinngusoq
Jens Thorin suliffinngeqarnermi nalaani tikeraarsimaarluni juulip 27-ani paasitinneqarpoq umiatsiaq inunnik arfinilinnik issimasoqarluni umiiarsimasoq. Edvard Nielsenip umiatsiani politiinut atukkiuppaa, taakkulu angutit marluullutik ajunaalersunik annaassiniarput.

Jens Thorinip Edvard Nielsenillu arnat utoqqasaat marluk niviarsiararlu qulaaluanik ukiulik toqungasoq imaaniik qaqippaat, niviarsiararlu uummarsarlugu annaassissutaasumik ikueqqaarnermik ingerlatsinikkut.

Ikiueqqaarnermut ataatsimiititaliami ilaasortat naliliipput nalornerianngiivillutik iliuuseqarasuarsimasut. Ikiueqqaarnermi pisussat pingaarnerit sisamat piviusunngortissimagaat. Annaassissutaasumik ikiueqqaarisoqarsimavoq, annaassinermik kingunilimmik.

- Angalaqataat pingasut alianaqisumik umiiarnermi ajunaarput, annaassiniaasoqarsimanngikkaluarpat suli umiunermi ajunaartut amerlanerusimassagaluarput, ikiueqqaartut eqqissisimallutik tamanik isiginnillutik pisimanngikkaluarpata, suliassaminnik avitseqatigiillutik, ikiuisussanik aggersaallutik tulleriissaarinerminnilu pingaarutilimmi annaassissutaasumik ikiueqqaarinnillutik eqqortumik tulleriiaarisimanngikkaluarpata, ikiueqqaarnermi ataatsimiititaliaq taama allappoq.

Atuaruk: Uummannap eqqaani inuit pingasut ajunaarput - pingasut annaanneqarput

Qaarsuni nersornaasiinermit assit allaaserisap ataani takukkit

Powered by Labrador CMS