gang i den
Assit: Ukiaq manna Qaqortumi ukiap anorersua siulleq
Kujataani illoqarfimmi anorersuaq marlunngormat unikaallappoq - umiarsualivimmit assit takukkit
Qaqortumi ukiap anorersua siulleq, ataasinngormat unnukkut aallartittoq, marlunngormat ullaakkut suli sakkortoqaaq. Nunasarnimik anorersuarepoq sekundimut 25 meterinik sakkortussuseqarluni.
Ullaaq umiarsualivimmut takuniaanermi umiatsiat ataasiakkaat ajornartorsiorput - kivinngujoorlutik.
Talittarfik 3-mi aamma anorersuaq ajoqusiisimavoq, talittarfiup nunamut immikkoortua napimmat. Talittarfiup annaanniarnerani qatserisartut ikiuupput, talittarfik 2-mi angallatinik aseruinissaanik ulorianartoqarmat, taamaasillunilu annertuumik aseruisinnaalluni.
Ullaap tungaani anorersuaq sakkukilliartorpoq, nigermut saakkiartorluni.
Suli ilisimaneqanngilaq anorersuaq Qaqortumi qanoq aseruitigisimanersoq.
Assit allaaserisap ataani takukkit