Assit: Tasiilami Juullimi tivoli

Tasiilami Alivarpimmi juullilernerani pisartut nuannarineqarluartut ilaa tassaavoq Juullimi tivoli. Taanna iluatsilluartumik pivoq atuartut kaagiliaminnik allanillu tuniniaallutillu aliikkusersuipput.

Ukiormanna Juullimi tivoli pivoq decemberip aappaaniit tallimaata tungaanut atuarfimmi sannaviit assigiinngitsut ulappuffiummata, Tasiilami Alivarpimmi ilinniartitsisut oqaluttuarput.

Neriniartarfeqarpoq, aviisiortoqarpoq, sukkuaraliortoqarpoq, mersortoqarpoq, tombolaqarpoq, pannakaaliortoqalruni, qiortaasoqarluni, nipilersortoqarluni, kaagiaraliortoqarluni allatigullu aliikkusersuisoqarluni.

Naggasiullugu sisamanngorneq decemberip tallimaat atuarfik tamanut ammatinneqarpoq atuartut suliaat tuniniarneqarlutik.

Juullimi tivoli naggaserlugu sisamanngornermi unnukkut nalunaaqutaq 19.30 qummoroortartoqarpoq.