Sisimiut

Assit: Taseralimmi ukioq manna saqqummersitsineq siulleq

Danmarkimeersup assilialiortup Jens Thordal-Christensenip suliani Sisimiuni saqqummersippai

Danmarkimeersup assilialiortup Jens Thordal-Christensenip suliani Sisimiuni saqqummersippai
Eqqumiitsuliortup Tele-Postip Nuumm illorsuani suliai
Jens Thordal-Christensenip suliai Tasiilamiittut
Assi aamma Tasiilameersoq
Jens Thordal-Christensenip suliai Tasiilamiittut Assi aamma Tasiilameersoq Danmarkimeersup assilialiortup Jens Thordal-Christensenip suliani Sisimiuni saqqummersippai TaseralikEqqumiitsuliortup Tele-Postip Nuumm illorsuani suliai Jens Thordal-Christensenip suliai Tasiilamiittut Assi aamma Tasiilameersoq Danmarkimeersup assilialiortup Jens Thordal-Christensenip suliani Sisimiuni saqqummersippai TaseralikEqqumiitsuliortup Tele-Postip Nuumm illorsuani suliai

Sisimiuni kulturikkut illorsuarmi Taseralimmi ukioq manna eqqumiitsulianik saqqummersitsisoq siulleq tassaavoq Danmarkimeersoq Jens Thordal-Christensen, taanna atortut assigiinngitsut atorlugit eqqumiitsuliortarpoq.

Taseralimmilu saqqummersitsinerani assilissat Kalaallit Nunaannut toqqaannartumik attuumassuteqanngitsut saqqummersinneqarput. Saqqummersitani qalipaatit ilusillu alutornartut qimerloorneqarsinnaapput; litorgrafimik naqitat, pappiaqqamut qalipakkat, voksi olialu atorlugit qalipakkat.

Assigiinngisitaarneq
Jens Thordal-Christensenip Taseralimmi saqqummersitsineranut siunertaavoq eqqumiitsulioriaatsit assigiinngitsut takutinnissaat. Pingaaruteqarpoq eqqumiitsuliornermi periarfissaq iliuusissallu assigiinngeqisut ilisimanissaat, tamannalu ukiup ingerlanerani Taseralimmut isertartunut takutinneqarusuppoq. Saqqummersitsisup siulia tassaavoq Pavia Ludvigsen, eqqumiitsuliortoq inuusuttoq Sisimiuneersoq, 2015-imi aasaagaa Nuummi Eqqumiitsuliornermik Ilinniarfimmi naammassisoq.

Jens Thordal-Christensen inuunermi ilaani Kalaallit Nunaanni najugaqarnikuuvoq. Eqqumiitsulioriaasia sorpassuarnik imaqanngilaq, Kalaallit Nunaannilu pinngortitap pikkunarneranik qalipaaterpassuaqannginneranillu sunnerneqarsimalluni. Kalaallit Nunaanni ilisimaneqaatigai Nuummi Tele-Postip allaffeqarfiani pinnersaasersuinerit aammalu Tasiilap atuarfiani, meeqqat peqatigalugit pinnersaasersuinerit.

Saqqummersitsineq marsip tungaanut alakkarneqarsinnaassaaq.

Allaaserisap ataani assit takukkit

Powered by Labrador CMS