skak

Assit takukkit: Skakernermik nuannarisallit naapeqatigeeqqittut

Islandimi skakertartut klubbiat Hrókurinn aammaarluni Tunumut unammigiarluni tikeraarpoq.

Kristjana Guðmundsdóttir Motzfeldt Kristjana Guðmundsdóttir Motzfeldt Kristjana Guðmundsdóttir Motzfeldt Kristjana Guðmundsdóttir Motzfeldt Kristjana Guðmundsdóttir Motzfeldt Kristjana Guðmundsdóttir Motzfeldt Kristjana Guðmundsdóttir Motzfeldt Kristjana Guðmundsdóttir Motzfeldt Kristjana Guðmundsdóttir Motzfeldt Kristjana Guðmundsdóttir Motzfeldt

Islandimi skakertartut klubbiat Hrókurinn Tasiilamut tikeraallattaartuartoq skakimi pissartanngorniunnerit arlaqartut aaqqissuusseqataaffigisarpai.

Ukioq mannali skakimi unammiuaarnermi Polar Pelagic Festivalimi Tasiilami ingerlanneqartumi peqataajuartartoq ilaanngilaq. Gerda Vilholm ungasinngitsumi toqukkut qimaguttoq peqataajuartarmat soorunami maqaasineqarpoq.

Atuaruk: Gerda Vilholmi Tasiilami eqqaaniarneqarpoq

Taassuma atuagaarniarfeeraani meeqqat skakimik ukiuni arlalinngortuni unammerrattarput. Tarnerali najuussimassajunnarsivoq.

Sapaatiummat Gerda Vilhom Tasiilap katersortarfiani hunnorujungajannit eqqaaniarneqarpoq, tassani Kommuneqarfik Sermersuumi borgmesterip sinniisua Justus Hansen (D) tunumiusut danskisullu oqalugiartuulluni. Oqalugiareernerullu kingorna minutsi ataaseq nipaallisimasoqarpoq.

Atuaruk: Skakkertartut nunarsuarmi ilisarisimaneqartut Nuummut tikeraartut

- Nipaallisimanermi meqqutip nakkarpalunnera tusaaneqarsinnaavoq. Amerlasuut attortisimapput, Kristjana Guðmundsdóttir Motzfeldtip eqqaaniarneq pillugu Sermitsiaq.AG-mut mailikkut oqaluttuarpoq.

Nipangersimasoqareermat Tasiilami erinarsorqatigiit tussiarput.

Skakimi unammiuaarneq aamma Gerda Vilholmimut eqqaaniutitut ingerlanneqarpoq.

Inuit 40-t unammeqataapput.

Atuaruk: Assit takukkit: Kulusummi meeqqat tamarmik tunissutisisut

Ajugaasut ukuupput: Hans Erik Larsen guldinnappoq. Paulus Polle Lind sølvinnattoq Bo Svenson bronzennappoq.

Tuuta Mikaelsen Skakklubbimut Tasiilami unammiuaarnermi ikiuulluarsimasutut pokalinnappoq.

Atuaruk: Assit: Skak ikinngutigiinnermut aqqutigaat

Kalaallit Røde Korsiat Tasiilami pilersinneqaqqammersumi siulittaasunngorlaaq Anna Kûitse Kúko siulersuisoqatini tamaasa ilagalugit suleqataasimapput.

Pisarnertullu Hrókurinni meeqqat angerlarsimaffiani najugalinnut tunissutinik agguaalluni.

Powered by Labrador CMS