Assit takukkit Randersimi iligiit

Aqqalu Ingemann Angutimmarik Kreutsmannilu Odensemi sapaatiummat unammipput. Taakku håndboldertatoqatigiinni Randers HHs 2-mi HC Odensemut unammillutik.

Rensers HH klubbini sisamani agguataarnikuuvoq, klubbillu ilaat Hornbæk SF sinnerlugu unammisartut taakku takutitsillutik.

Siuttuusinnarlutik kinguarput

Unammineq aallartinngikkallarmat HC Odense nr- 2-mi inissisimavoq. Hornbæk SF-lu nr. 9-miilluni. Ippassarlu unamminerup tamanna sunniuteqarfiginngilaa.

HC Odense 30-raarluni ajugaavoq unammisai 27-raartut. Unamminerup immikkoortuani siullermi Hornbæk SF 15-9-mik siuaqqagaluartoq unamminerup immikkoortuata aappaani HC Odense siuariasaarpoq.

Hornbæk SF kinguaraluarluni sukataarluariarama uanmminsut 19-19-mik naligiileriasaarput. HV Odenseli arsarluarnermigut målinik pingasunik siuaqqallutik ajugaapput.

Kalaallit saamerlermiipput

Aqqalu Ingemann pisarnermisut siukkani saami tungaaniippoq, sisamariarlunilu isertitseriarnermini pingasut iluatsillugit. Angutimmarik Kreutzmann kinguarsimasuuvoq ataasiarlunilu iseritsilluni.

Nalaatsornerinnarmik unammersuartut

Aqqalu Ingemann nalaatsornerinnarmik Randersimiilersimalluni Sermitsiaq.AG-mut oqarpoq.

- Odderimi najugaqartussaaniaraluarpunga, tassanilu unammisartuunngikkumi Århusimi unammeqataasartussaagaluarlunga. Inissaraluannili ajornartooriarama Randersimut nuuttariaqarsimavunga. Soorunami aamma Randersimi assammik arsaqataasalerlunga.

Aqqalu Ingemann sæsoni kingulleq GOG-mi unammisartuuvoq. Taannalu ingerlalluaannaruna maskinmesterisut februarimi ilinnialissalluni.

Klubimi pitsaasumi unammeqataasalernissani kissaatigaa

Angutimmarik Kreutzmann 28-nik ukiulik sæsonip ingerlanerani klubimi pitsaasumiilernissani ajornakusoortippaa. Misileeqqissallunili Sermitsiaq.AG-mut oqarpoq.

- Sapaatip akunneranut tallimariarlunga sungiusartarpunga. Randers HHs-mi marloriarlunga. Ingerlalluartorluni naliginnaasumik isigaara. Klubimillu uannik pisariaqartitsisumik nassaarnissara iluatsinnissaa ilimagaara.

Angutimmarik Kreutzmann siusinnerusukkut Bjerringbro-Silkeborgimi, Odder Håndboldimi Nordsjælland Håndboldemilu unammeqataasarpoq.

Angutimmarik Kreutzmann svenskit tyskillu assammik arsaattartuini aamma unammeqataasarnikuulluni. Taassumalu franskini aamma unammisartunngortussaagaluarnera iluatsinngitsoorsimalluni.

Angutimmarik Kreutzmann Nunatsinnit nunanut allanut unammisartunut sivittajaamik uninngareerluni piareerluni nalunaaruteqarpoq.