Skip to main content

Assit takukkit: Qaannamik unammersuarnermi silagittoq

Qaannamik unammersuarnerit Nuummi ingerlallualeruttorput, ullut pingajussaanni unammiffiusumi pissartanngorniuttoqarnerani maannamut silagittaqattaarpoq.

Ukioq manna Qaannamik Unammersuartoqarneranik aaqqissuisuusut, Peqatigiiffik Qajaq Nuuk, pisoq maannamut naammagisimaartorujussuuaat.

Siusinaarlutik naammassisartut

- Ingerlallurtorujussuuvoq, unamminerni assigiinngitsuni siusinaarluni naammassisoqartarnera pissutigalugu. Unammersuarnermilu inuppassuit isiginnaariarput, Ari Josefsen, Peqatigiiffik Qajaq Nuummi siulittaasup tullia taama oqarpoq-

Peqataasullu 130-t missaanniittut akornanni unammisoqarluartoq,  taanna oqaluttuarpoq.

 

- Assersuutigalugu ippassaq arfininngornermi angutit maqittarlugu parrunneranni siulliit tallimat akornanni pissanganartoqarpoq, Ari Josefsen oqarpoq.

Peqatigiiffik Qajaq Nuummi siulittaasup tullia, Ari Josefsen
Sorlannguaq Petersen

Aasaanerani silagittoq

Silalu aaqqissuisunut pitsaavoq, tassa qiianarnikuulluni qulisimasarnikuullunilu kiisami illoqarfiit pingaarnersaanni sila aasarpalaalermat.

Sapaammi ullup unammersuaarfiusup pingajussaanni seqinnarillunilu anoreqarpianngilaq. Peqataasut saaqqusersorlutik unamminissaannut tulluarluinnarpoq.

Arfininngormat maqittarlugu parrunnermit angusat Facebookimi ilanngussami uani ataani takukkit:

Aqagu ataasinngornermi peqataasorpassuarnut ulloq qasuersaarfiussaaq. Unammersuarneq marlunngorpat nanginneqassaaq, tassani iligiikkaarluni kinngusaqattaartoqassaaq aamma meeqqat allunaariaqattaassapput. 

Qaannamik unammersuarneq tallimanngorneq ilanngullugu ingerlanneqassaaq.

Nuuttoqqamit assit sapaammi ullup qeqqaanerani assilisat allaaserisap qulaani takukkit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER