Odense
Assit takukkit: Nordatlantisk Husip pingatsiinera nalliuttorsiutigineqarpoq
Mamartutornernik, oqalugiarnernik, erinarsuataarnernik appisimaanernillu ulloq malunnartinneqarpoq
Nordatlantisk Hus Odensimiittoq ukiut pingasunngortorsiornera ulloq eqqorluinnarlugu malunnartinneqarpoq.
Nordatlantisk Hus novembarip ulluisa qulingiluaanni 2013-mi nalliuttorsiutaalluni atoqqaarfissiortinneqarpoq. Atoqqaarfissiortitsinerlu pisarneq malillugu kaffillerfiusimalluni.
Ukiut sukkaannaq ingerlapput
Nordatlantisk Husip siulersuisuini siulittaasup tullia Kalaallit Illuannilu siulersuisuini siulittaasup Benny Nybop oqalugiaatimini illup ukiuni kingullerni pingasuni sukkaannaq ingerlasimanera oqaatigaa. Benny Nybollumi avannaarsuata tarnera illumiimmat nuannaarutigineqarlugu.
Benny Nybo ataqqeqatigiinnermik aamma oqariartuuteqarpoq.
- Assigiinngissutsivut ataqqisariaqarpagut. Oqaatsisigut, kulturikkut allallumi tamaasa.
"Inuuissiortoq pilluarit"
Soorunami aamma inuuissiortoq erinarsuutigineqarpoq. Kalaallisut, savalimmiormiutut, islandimiutut danskisullu erinarsortoqarluni. Nordatlantisk Husimiuna. Hurraartuunnerlu mininnagu.
Nipilersuutit tamanut saaffiginnittut
Nipilersortartut savalimmiunit, islandimit kalaallit nunaanneersullu akunnerit marluk ingerlanerini appisimaarput.
Anna Maria Olsen savalimmiormiutut appisimaartoq Rasmus Lyberth guitarinilu marluinnaallutik aliikkusersuipput. Rasmus Lyberthillu Sermitsia.ag-mut aappisimaareernermi kingorna aqagumut ernarsoqatigiit Aavaat ilagalugit Scotlandimukassallutik eqqaallatsiarpaa.
Erinarsoqatigiit Umiaq Kor aamma appisimaarput. Ullorlu nereqatigiinnermik naggaserneqarluni.
Allaaserisap ataani nalliuttorsiornermit assit takukkit