ingerlaaqatigiinneq

Assit takukkit: Katerisimasut amerlanngitsut naalagaaffeqatigiinnermut tapersersuisut

Namminersulivinnissamik takorluukkat 'politikkikkut iluareqqusaarnerullunilu immeraassineruvoq'. Kontreadmiral Niels Wang naalagaaffeqatigiiginnarnissamut Københavnimi ingerlaaqatigiittoqarnerani taama oqarpoq

Christiansborgip saavani katersuuttut Walter TurnowskyJairus Lyberth tikilluaqqusivoq Walter TurnowskyMartin Lidegaard Walter TurnowskyNiels Wang uniformilerluni oqalugiartoq Walter TurnowskyKnippelsbro ikaaraat Walter TurnowskyNauja Lynge Walter Turnowsky

Christansborgip saavani katerisimasut amerlanngitsut inituallaanngillat.

Kisianni suffarinnerata danskit kalaallillu erfalasui nassarrneqartut anorimi erfalapput.

Naalagaaffeqatigiinnerlu tapersersorlugu oqalugiarnerit nakimaapput.

Naalagaaffeqatigiinneq aatsaat taama pingaaruteqarneraraat
Nunanut allanut ministeriusimasup Martin Lidegaardip Radikale Venstreneersup torlulaartaat tiguaa.

- Akerliussutsimik takutitsisoqarnera nuannaarutigaara, taanna oqarpoq.

- Massakkummi akerliuinnarneq nuannarineqarneruvoq, taanna nangilluni oqarpoq, takkuttunullu amerlanngitsunut naligisami isumaliortaatsimut 'tapersersuisuuneq' killormoortuunnguartiartoq nassuiarpaa.

Atuaruk: Fakkeloptog for rigsfællesskabet

Taassuma isaanik naalagaaffeqatigiinneq aatsaat taama pisariaqartigaaq, naalagaaffiit minnerusut soorlu Danmark, Savalimmiut aamma Kalaallit Nunaat ataatsimoornissamut pisariaqartitsisut isumaqarami.

'Politikkikkut eqqortuuneq taamaatinneqarli'
Kontreadmiral Niels Wang uniformilerluni oqalugiarpoq, erseqqissaatigaalu tamanna ulluinnarsiutaanngitsoq.

- Ulluinnarni akerliussutsimik takutitsisunut peqataaneq ajorpunga - naaggalu uniformeqarlunga, taanna oqarpoq.

- Kisianni ullumikkut immikkut ittumik iliorniarlunga aalajangerpunga, Naalagaaffeqatigiinnerup attatiinnarneqarnissaa pingaarluinnartuusoq isumaqarama - akkaat aalajangiilluinnartuusorigakku.

Politikkikkut eqqortumik oqalugiaammik allaqqissaarniarluni isumaliorsimagaluarluni oqaluttuarpoq, kisianni danskit tungaannit politikkikkut eqqortuussuseq immaqa Naalagaaffeqatigiinnermut soqutiginninnermik killeqalersitsinermut pisooqataasimasoq inerniliussimavaa.

- Immaqa eqqortumik oqalugiarniartarnerit ataatsimoornerup sumut ingerlaneranut tappiillisittarpaatigut, taanna sakkutuut naalagaat misilittagartooq oqarpoq, taanna issittumi naalagaaffiup isumannaatsuunissaanik politikkimik suliaqartarsimavoq.

- Aammalu nunat sumi inissisimanerat naapertorlugu Issittumi politikki maanna pisoq erseqqarissiartuinnarnerani, Kalaallit Nunaat aamma Savalimmiut naalagaaffittut namminersortutut piffissami sivisuumi aningaasaqarnikkut tunngaveqartussamik periarfissaqanngillat, taanna oqarpoq.

Atuaruk: - Naalagaaffeqatigiinnerup siunissaa aarlerinartorsiorpoq

- Illuanillu oqaatiginninneq politikkikkut iluareqqusaarnerullunilu kinguaariinnik tulliuttunik immeraassineruvoq, Niels Wang nangippoq.

'Naalagaaffeqatigiinnerup iluani namminersulivinneq'
Illussaarsuup saavanit katerisimasut amerlanngitsut Nordatlantens Bryggemut ingerlaarput, tassani Naalakkersuisut diplomatinut, politikerinut aamma Kalaallit Nunaata ikinngutaannut ukiortaami ilassinnipput.

Silami anori pueqqorpoq, kisianni taakku katerisimasut amerlanngitsut oqalugiaatinut kingullernut tusarnaarluarput.

Naalagaaffeqatigiiffimmut peqatigiiffiup siulittaasorisimasaa oqallissaarisartoq, Nauja Lynge kingullerpaalluni oqalugiarpoq.

Nunasiaateqarnerup nalaanut kamaateqarneq unitsinneqarnissaa kajumissaarutigaa, Naalagaaffeqatigiinnermilu pitsaasut isiginiarneqassasut.

- Naalagaaffeqatigiinneq namminersulivinnissamut ineriartornermik imaqartinneqarsinnaasoq asseqanngilaq.

Tamanna tunuliaqutigalugu suli siammarterneqartariaqartoq isumaqarpoq, taamaalilluni namminersulivinneq naalagaaffeqatigiinnerup sinaakkutaani ineriartortinneqarniassammat.

- Naalagaaffeqatigiinnerup iluani ineriartortitsinissamut kunngikkormiut nunanullu allanut politikkeqarneq avillugit inissaqartoq isumaqarpunga, Nauja Lynge takorluuivoq.

Oqariartuut ingerlatinnissaa pingaaruteqartoq
Siumumeersutoqaq Lars-Emil Johansen inuit amerlanngitsut anorlertumiittut sivikitsumik isiginnaarpai, kisianni kialaartumut iseqqipallakkusunneruvoq.

- Tamat oqartussaaqataanerannik tapersersuivunga, kisianni puallulernissamut tamanna pissutissaanngilaq, kingorna nikasaarpalulluni taama oqarpoq.

Atuaruk: D: Naalakkersuisut namminersulivinnermut apeqqummut akiumanngillat

Aaqqissuisup Jairus Lyberthip aaqqissuussaq naammagisimaarpaa.

- Amerlavallaanngilagut, kisianni iluatsinngitsutut oqaatiginianngilara. Oqariartuut ingerlateqqinnissaa pingaarnerpaavoq, taanna oqarpoq.

Powered by Labrador CMS