Skip to main content

Assit takukkit: Kalaallit Nunaanni filmiliornermik aqutsisutut ilinniarsimasoq siulleq

Aka Hansenip filmiliornermi aqutsisutut inaarutaasumik misilitsissutigalugu filmiliani, filmiliornermik ilinniarfimmi Super16-imi ippassaq takutippaa

Kalaallit Nunaat filmiliornermi aqutsisortaarpoq. Aka Hansen filmiliornermi ilinniarfimmi Super16-imi ukiuni pingasuni ilinniareerluni naammasseqqammerpoq.

Københavnimi filmertarfimmi Dagmarimi persuarsiornertalimmik, filmiliani 'Blåt Lys' ippassaq pingasunngornermi takutippaa. Filmimi Alexander Ohrt ilitsersuisuuvoq, filmiliami oqaluttuamik Anna Louise Amargós allattuulluni soorunamilu filimiorneq Aka Hansenimit aqunneqarluni.

- Iluarisimaarnaqaaq, Aka Hansen filmiliaminik takutitsereernermini oqarpoq.

- Teknikkikkut atortut ippassaq misilittaratsigit Super16-miittoqatikka isiginnaarmata pissanganeruvunga. Ullumikkut iluarisimaarnarneruvoq.

Akap angajoqqaavi isiginnaariaqataammata tamanna aamma iluarisimaarnarsimassaaq.

'Blåt Lys'-imi oqaluttuarineqarput nipilersortartut marluk – angut arnarlu – nipilersoqatigiittareersimallutik sivikitsumik naapeqqinnerat. Arnarli nipilersoqatigiinniikkunnaarsimavoq nipilersornermillu aallussiunnaarsimalluni – paasinarpoq arnap angutillu akornanni suli naammassisoqarsimanngitsoq. Filmiliorneq angerlarsimaffimmi filmiliornertut ittumik suliaasimasoq, torersumik suliaavoq.

- Alexanderilu (Ohrt) 'Polar' Nuummi suliarigatsigu isumassarsiaq pinngorpoq. 'La la Land' saqqummeqqammersoq filmiliaq musicalerpalaartuusoq isumassarsiorfigaarput. Erinarsornerilli toqqaannartuussasut aalajangerparput, unammillernarnerutinniarlugu. Taamaammat nipilersortartut pillugit filmiliornissarput pissusissamisuuginnarsimavoq.

Klaus Georg Hansen

Aka Hansen filmiliornermik aqutsisutut naammassigami imaanngilaq filmiliornerup silarsuaani sulilissasoq. Nunatsinni filmiliornerup nutaajulluinnarnerani, 2007-imi filmiliortarluni aallartippoq, ukiullu marluk qaangiummata Tumit Productionimilu pilersitseqataalluni. 2014-imi Københavnimut nuuppoq, filmiliortarfimmillu nammineq pigisaminik 'Uili Stories'-imik taallugu pilersitsilluni. Filmiliai tamangajammik annerusumik minnerusumilluunniit Kalaallit Nunaannut tunngasuupput. Taamaattoq tassungaannaq tunngasuunngillat, soorlu naammassissutaa 'Blåt Lys'.

Aka Hansen Kalaallit Nunaannut angerlartussanngorpoq, NAPA-milu atorfinissalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER