Skip to main content

Assit takukkit: Fredericiami ilaqutariinnut ullorsiortitsineq iluatsittoq

Fællesforeningen Inuit ataanni isummersuisut aaqqissuussaq ornigarneqarluartoq nuannaarutigisinnaavaat.

Aaqqissuisut sila eqqorluarpaat aammalu 200-nit amerlanerusut Fredericiamukarsimallutik.

Erfalasup amuneqarnerata kingorna ulloq aallartilluarsinnaanngorpoq. Sulliviit ornigarneqarluarput, matuersaaserfinnik aamma saanernik allanik suliaqartoqarpoq, kukkilit ulunik aamma uummataasanik ilusillit puisip amiinik aamma sapakkanik tajaliat ujamillu suliarineqarlutik.

Erinarsoqatigiit Kilitaq tusarnaartitsipput, Skive aliikkusersuisuisuulluni.

Nuannisarnerup saniatigut qallunaat kalaallit kulturiannik misigisaqarsinnaanissaat ullormi siunertat ilagaat. Taamaattumillu ilaqutariit ullorsiornerat Madsby Legeparkimi pivoq, taamaalillunilu alakkaasut soqutiginnilersinnaaniassammata.

- Qallunaat ilaqutariippassuit aqqusaarput, nuannisartullu nersunngitsuunngilaat. Kulturit akornanni ataqatigiilernissamut aqqut pitsaanerpaaq, Morten Skovlund (S), illoqarfiup siulersuisuinut ilaasortaq Vjelemeersoq oqarpoq.

Taanna erfalasup amuneqannginnerani ‘kulturit marluk naapittarnerat’ pillugu naatsumik oqalugiaqquneqarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER