Assit takukkit: Aallarnisaasut sapaatip akunnerisaanni isumassarsiaminnik saqqummiisuni ajugaasut
Aallarnisaaneq pillugu workshoppertitsisoqarnerani efterskolemik timersorfiusumik pilersitsinissamut isumassarsiaq aalajangiisunut nittarsaalluarneqarpoq.
GUX-imi ilinniartut aallarnisaasut ingerlalluartut ippassaq naapippaat, tuniniagassaminnillu ineriartortitsitsinissaminnut sakkussanik tunineqarlutik kiisalu workshoppertitsisoqarnerani isumassarsiatik nutaaliaasut samminissaannut periarfissinneqarlutik. Fonden for Entreprenørskab tusagassiutinut nalunaarummini allappoq.
Workshoppertitsinermi ”Peqqissuseq Atugarissaarnerlu” sammineqarput, ilinniartut nioqqutissaminnik ineriartortitsisinnaanissaminnut periarfissinneqarlutik. Isumassarsiat ilaat ukuupput:
- Efterskole timersorfiusoq
- Appi mobilini atortussaq, Kommuneqarfik Sermersuumi sumi timersortoqarsinnaaneranik paasissutissanik imalik
- Illoqarfiup iluani sammisaqaqatigiinnerit ilaqutariit peqatigiissinnaanissaanut ataqatigiinnerunissaanullu periarfissiisut
- Kalaallit Nunaanni aallarnisaasuunerup sammineqarnera annertusiartuinnarpoq ullumikkutullu susassaqartitsisoqarnera inuusuttunut siunissami aallarnisaasoorusuttunut kajumissaataalluni. Nuannersorujussuuvoq misilittakkannik ingerlatitseqqissinnaalluni, misilittakkat saqqummiussinermut attuumassusillit kiisalu sooq uanga aallarnisaasutut inuuneqarusunninnik oqaluttuarsinnaallunga tassami nunarsuarmi nutaaliaasunik pilersitsinissara soqutigilluinnartuugakku, Martin Nordlund, namminersortuusoq, workshoppertitsinermi oqalugiartoq, dommerioqataasorlu oqarpoq.
Ajugaasut
Nutaaliorneq pillugu workshoppertitsinermi ajugaasut Christian Christoffersen Marcus Lynge Pedersenillu minutsit pingasut iluanni idrætsefterskole pillugu isumassarsiartik saqqummiulluarpaat dommeriusullu tiguarlugit. Taakku Elgiganteniminngaanniit Bang & Olufsenimit Sounddockinnatsinneqartut, Fonden for Entreprenørskab tusagassiutinut nalunaarummini ilisimatitsivoq.
Workshoppernermili aamma allamik pitsaasumik oqaluttuassaqartoq, Fonden for Entreprenørskabimi immikkoortortami ingerlatsisoq, Julie Radermacher ilisimartitsivoq.
- Ajugaasut saniatigut atuartumik ullaakkut atuaqatimi saani atiminilluunniit taasisinnaanngitsumik naapitaqarpugut akunnerilli arfineq pingasut qaanguimmata taannaffaarik Nuuk Centerimi inuppassuit saavannut isumassarsiaminik saqqummiussivoq. Inuusuttut akornanni tiimialunnguit ingerlanerini alliallattut qerattajallattut sinnattuminnillu taamaallutik piviusunngortitsisinnaanerminnut upperinnilersitseqataasinnaalluni allanngueqataasinnaallunilu nuannersorujussuuvoq, oqarpoq.
Naggataarutaasumik takutitsineq Nuuk Centerimi, Sermersooq Business Councill Fonden for Entreprenørskab Kalaallit Nunaat peqatigalugu ingerlanneqarpoq, tusagassiutinut nalunaarummi allaqqavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...