Qaqortoq
Assit takukkit: Vikingit umiarsuaata nunarsuarmi anginerpaap nunarput tikeraarpaa
Draken Harald Hårfagre Leifip Iluanaarajuup Norgemiit USA-mut angalaffigisimasaa atuarlugu angalavoq
Vikingit umiarsuaat nunarsuarmi anginerpaaq Draken Harald Hårfagre arfininngormat Qaqortumut tikippoq 32-nik inuttaqarluni.
Borgmester Jørgen Wæver Johansenip tikeraat niuffiorpai tikilluaqqullugillu, tamatumalu kingorna erinarsoqatigiit erinarsorput, Kommune Kujalleq taamatut paasissutissiivoq.
Umiarsuaq Norgemi Haugesundimit apriilip 24-anni aallarpoq USA-mukarnermini aqqusaassallugit Island, Kalaallit Nunaat Canadalu, pilersaarutillu malillugit septembarip qiteqqunnerani New Yorkimut tikissaaq.
Ukiut tusinit missaasa matuma siornatigut Vikingip Leifip Iluanaarajuup taanna angallavigaa, Amerikalu nassaaralugu Christopher Columbusimit ukiut 500-t missaannik siusinnerulluni.
Assit ataani takukkit