inuulluaqqusineq
Assit takukkit: Uummannami nakorsaq inuulluaqqusisoq
Annie Keroudan tallimanngormat Uummannap peqqissaaviani inuulluaqquneqarpoq
Tallimanngornermi nakorsaq Annie Kerouedan siullermeerluni 2003-mili Uummannap peqqissaaviani sulisimalluni ullumi nuannisarfiusumik killitsisimanarfiusumillu naggataartinneqarpoq.
Inuit 30-40-t tungaanut najuupput, peqqissaavimmi sulisut aamma ukiut igerlaneranni sulisuusarsimasut utoqqalisut najuutsinneqarput aammattaaq kommunimit, palaseqarfimmit, politiinit najuuffigineqarluni, tassani qanimut suleqatigisarsimasai najuupput.
Annie Uummannami nalunnginneqarluarpoq naak franskiungaluarluni Uummannaq assut uummateqarfigalugu najuuffigisimavaa, pisunut nuannersunut nuanniitsunullu peqataasarsimalluni. suliniutai kusanartut maqaasineqartussallu qujallutik oqalugiartuni malunnartinneqarpoq.
Ulloq nuannersumik erinaroqatigiinnertalimmik sassaalliinermillu igerlanneqarpoq.