Aasiaat
Assit takukkit: Utoqqaat timersoqatigiiffii katerisimaartut
Utoqqaat 158-t illoqarfinnit 13-ineersut assammik arsarlutillu hockeymi unammipput
Aasianni timersortarfiup ilua inuummarissumik nuannersumillu nippatsinneqarpoq, marlunngormat ullaakkut utoqqaat siusinaartumillu soraarnerussutisiallit timersoqatingiiffii illoqarfinnit 13-nit aggersut, assammik arsarnermik hockeyballernermillu unammersuarnissatik aallartimmatigit.
Siullermik peqatigiiffiit siuleriiaarlutik, olympiadertusuulli, meeqqanik tasiortilerlutik, suminngaanneernerminnillu allangartalisarlutik isaapput, Oqilaatsullu siulittaasuanit tikilluaqquneqareerlutik unammersuarnissaminnut kissassernerit ataatsimut aallartippaat.
Peqataasunut katillugit 158-isunut unamminerit katillugit 45-t unammiffigineqassapput.
Naapeqatigiinnermi timersornerinnaq kisiat sammineqartussanngittoq Naja Brandtip, Oqilaatsup siulittaasuata, oqaatingaa, aammali sapaatip-akunnerata ingerlanerani ikiueqqaarnermut, naatsorsuuserinermut timersornermullu pikkorissartitsisoqartussaasoq oqaatingalugu.
Naja Brandtip oqaatingaattaaq ukiut marlukkaarlungit utoqqaat taamatut, sapaatip akunneranik sivisussusilimmik, naapisimaartinneqartartut.
Peqatigiiffiit 13-it
Peqatigiiffiit uku, quianalaarsinnaasunik imminut atsersorsimasut, peqataapput:
-
Kissalaaq, Upernavik
-
Minngaatsoq, Qeqertarsuaq
-
Uaasukkut, Ilulissat
-
Pequi, Qasigiannguit
-
Oqaliaatsoq, Aasiaat
-
Ilassamiikkut, Kangaatsiaq
-
Eqartoq, Sisimiut
-
Paarnguliaq, Maniitsoq
-
Eqatalaakkut, Atammik
-
Qeersaat, Nuuk
-
Qiimmaallugu, Paamiut
-
Arpalingaat, Narsaq
-
Qaqqaaraliat, Qaqortoq