atuakkamik saqqummersitsineq
Assit takukkit: Tunumi ullorsiutiliarineqarsimasut tigulluarneqartut
William Thalbitzerip Tunumi 1905-mit 1906-mut misigisaminik allattagai pillugit tivasartup Ole Lundip saqqummersippai. Atuakkap saqqummersinneqarneranut nuannersumik ilasseqatigiittoqarpoq
Danmarkimi Geusip Kalaallit Nunaanni Danmarkimilu misissuisitsiviani atuakkamik saqqummersitsisoqarnerani inuppassuit peqataapput. William Thalbitzerip Tunumi 1905-mit 1906-mut misigisaminik allattagai pillugit tivasartup Ole Lundip saqqummersitsineranut atatillugu ilasseqatigiittoqarpoq.
Oqaatsinik ilisimatuup antropologilu William Thalbitzer europamiuni siullersaalluni Tunumiut kulturiat inooriaasiallu pillugit nassuiaasuuvoq, Ammassaliup Katersugaasiviani pisortap Carl-Erik Holmip ilisimatitsissutigaa.
Ole Lund tivalluni takutitsivoq, Tunumiunut sumiiffik pingaaruteqartoq assi Qingeeq tunuliaqutaralugu. Ole Lundip ikinngutaa Isortumeersoq Thala Ignatiussen tivanermik takutitseqatigaa.
William Thalbitzerip ullorsiutaani aamma asserpassuaqarpoq. Atuagaq saqqummersinneqartoq Ammassaliup Katersugaasiviani pisiarineqarsinnaanngungajalerpoq.
Assit ataani takukkit