Narsaq
Assit takukkit: Spejderit Narsamut tikeraartut
Narsaq illoqarfittut ikinngutigisami spejderiinit, Gladsaxe KFUM Søborg-imeersunik tikeraarneqarpoq. – Tamanna nuannersumik pivoq illoqarfittullu ikinngutigiittut attaveqarnerit nutaanik ilisarisimasaqalernikkut uppernarsaqqinneqaqqillutillu nukittorsarneqaqqipput, Kommune Kujalleq oqarpoq
Kommune Kujallermi Narsaq illoqarfittut ikinngutigisami spejderiinit Gladsaxe KFUM Søborgimeersunik tikeraarneqarpoq.
Spejderit 29-t maanna Narsamiipput pisortatigullu tikilluaqquneqarput A21-mi, tassani kommuni sinnerlugu Suka K. Frederiksen tikilluaqqusilluni, Steen Boe-llu Gladsaxemeersup Gladsaxe kommunip inuulluaqqussutaa apuuppaa, Kommune Kujalleq tusagassiorfinnut nalunaarutikkut allappoq.
– Spejderit kissaatigisaat malillugu Kommune Kujalleq Narsarlu aammalu Kuannersuarni aatsitassanik suliniut oqaluttuarineqareput. Tamatuma kingorna skåli kusanartoq Gladsaxemit tunniunneqarpoq, taannalu sananeqarsimavoq ´SOVI´-mit, taannalu tassaavoq inersimasut autismemik nappaatillit sannaviat matoqqasoq, Kommune Kujallermit Suka K. Frederiksen allappoq.
Juulip 27-anni Narsami kommunip allaffiani naggataarnersiortoqarpoq, Kommune Kujallermillu tunissut borgmester Jørgen Wæver Johansenimit inuulluaqqusinertanik tunniunneqarpoq, qulleq uuliatortoq kommunip ilisarnaataanik assitalik. Kalaaliminernit snacksilianik kaffimik, tiimik kaaginillu sassaallertoqarpoq.
Spejderit Suka K. Frederiksen qungaseqummik spejderit ilisarnaataannik naqinnilimmik tunivaat, ikinngutiinnertut qilersimasoq, taamaasilluni illoqarfiit ikinngutigiinnerat uppernarsarlugu. Naggataatigullu spejderit qujaniarlutik erinarsorput.
Spejderit Narsamut tieraarnerannit assit ataani takukkit