klimatopmøde
Assit takukkit: Sofie Petersen aamma Desmond Tutu naalagiartitsisut
Nunat assigiinngitsut silap pissusaa pillugu ataatsimeersuartitsisoqarneranut atatillugu Københavnip oqaluffissuani marlunngormat naalagiartitsisoqarpoq
Københavnip oqaluffissuani, Vor Frue Kirkemi naalagiartitsisoqarpoq marlunngormat nunat assigiinngitsut peqataaffigisaannik.
Folkekirkens Nødhjælp, Grøn Kirke, Nat Kirken i Vor Frue Kirke suleqatigiinneratigut naalagiartitsisoqarpoq, tassani silap pissusaa malunnartinniarneqarluni. Guutip nunarsuaq sanaava inuit akisussaaffigigaat ilaatigut oqariartuutigineqarpoq.
Oqaluffiup iluani seqersaasoqarpoq sakkortuumik, kiisalu manninnik ilisiffissanik aamma inissiisoqarsimalluni.
Nunatta biskoppia Sofie Petersen, biskop Czeslaw Kozon, ilisimaneqartut Laura Bro, Maria Stenz aamma meeqqat tussiarput naalagiartitsinersuarmi inuit 1.000-t pallillugit peqataaffigisaanni.
Biskoppiuneq Desmond Tutu videokkut ilassinnippoq, tassani nunarsuup annaanneqarnissaa oqariartuutigalugu.
FN sapaatiuppat ataatsimeersuassaaq. Ban Ki-moon tassani siuttutut inissisimassaaq, nalunaarusiamillu saqqummiisoqassalluni.
Assit ataani takukkit