qinersineq
Assit takukkit: Siumut ajugaaqqippoq
Partiimut Siumumut tapersersuisut Nuummi timersortarfissuarmi ataatsimoorlutik nuannisaqatigiipput tallimanngormat - assit takukkit
Inatsisartunut qinersinermi Siumut qinersisartut 34,3 procentiisa qinersineri pissarsiaraat 10.102-nit taaneqarlutik, tamanna allaaserineqartareerpoq.
Siumumut tapersersuisut Nuummi timersortarfissuarmi ataatsimooqatigiipput. Najuuttut nuannisarrateqaat, Kim Kielsenilu nalunaaqutaq 23.00 takkummat inuit nuannaarneruliinnarput.
Qinersinerup inernera pisortatigoortumik nalunaarutigineqarpoq arfininngornermi nalunaaqutaq 01.58. Qinersinermi Siumut ajugaanertik timersortarfissuarmi nuannaarutigaat, aamma illoqarfinni nunaqarfinnilu angusarineqartoq nuannaarutigineqarsimassaqaaq.
Siumut aamma Inuit Ataqatigiit aqqanilinnik Inatsisartunut isertitaqarput. Inatsisartuni 31-nik ilaasortaqarsinnaavoq. Kisianni Siumut qinersinermi qinerneqarnerpaanerat pissutaalluni Naalakkersuisunngortitsiniarnermi isumaqatiginninniaqqaassapput. Siumut 10.102-nit qinerneqarpoq Inuit Ataqatigiit 9.776-nit qinerneqartut.
Siumukkut nuannisaqatigiinnerannit assilineqartut ataani takukkit