Nuummi sisorartarfik
Assit takukkit: Sisorartarfimmi sisoqqattut
Arfininngormat anorlileraluttuinnaraluartoq sisorartarfimmi amuartaat angisooq ammarneqarmat inuit takkussuupput
Anorlileraluttuinnaraluartoq inuit angerlarsimaannarsinnaanngillat, ippassaq arfininngornermi tusaamaneqalermat amuartaat angisooq ammarneqassasoq. Tamannalumi tusatsiagaannaanngilaq. Nalunaaqutaq 12 amuartaat ammarneqarpoq sisorartartorpassuit snowboard-ertartorpassuillu nuannaarutigeqisaannik.
Sila issikkaluarluni allaaqqilluni alianaatsorsuuvoq, taamaattumik qaavanukassagaanni oqorsarluarsimasariaqarpoq. Anorlernera pissutigalugu issittorujussuartut misigisimanarpoq, akunnerillu marluk missaat qaangiuttut anori sakkortuvallaaleqimmat Sisorarfiit amuartaat angisooq matoqqippaat.
Amuartaammik angisuumik qummukarnissamut angumersisut sisorartarfiit piareersarluarneqarsiamasut nuannareqaat. Aput pitsaalluinnartuuvoq sisorartartullu pisarnermissut nuannisaqaat. Cafeteria aamma nuannaartunik inoqarluarpoq.
Ullumikkut, sapaammi, amuartaatit ammaqqipput. Misisoq nalunaaqutaq 10-niit 17-imut, angisoorlu nalunaaqutaq 12 ammassalluni.
Assit allaaserisap ataani takukkit