qinersineq
Assit takukkit: Sisimiuni qinersiartortut ikinnerulaartarput
Sisimiuni ukiuni kingullerni qinersinermut sanilliullugu ullumi qinersisut ikinnerulaarput nalunaaqutaq 15.00-mi
Sisimiuni qinersivimmi aqutsisup Karl Berthelsenip nalunaatutigaa nalunaaqutaq 15.00-mi qinersiartortut 41,25 procentiusut. Qaqortumi taamaasinerani qinersiartortut procentinngorlugit 45,91-iupput.
Inatsisartunut kingullermik qinersisoqarmat aamma kisitsit taama isikkoqarpoq. Aamma Sisimiut katersortarfiata eqqaanni partiit assigiinngitsunik sassaalliipput, soorlu kaffi, te, kaageeqqat aammalu nipilersortoqarluni.
Akunnikkaarlugit qanoq amerlatigisunik qinersiartortoqarnersoq nalilersuiffigineqartarpoq.
- Kingullermik qinersineq ullumikkumut sanilliukkaanni qinersiartortut ikinnerulaartarput. Sisamap qaangilaarnerani sulisartut asooriarunik pissanganassaaq qanoq amerlatigisut qinersiartussanersut. Qinersineq nal. 20.00 matuneqassaaq, kisitsinerillu unnuamut naammassinissaata tungaanut suliarissavagut, Karl Berthelsen oqarpoq.
Assit ataani takukkit