pilluaritsi
Assit takukkit: Sisimiuni qatserisartut nersorneqartut
Sisimiuni qatserisartut pingasut ukiuni qulini qatserisartuusimanertik pissutigalugu nersorneqarput. Kinguaariinni pingasuni qatserisartoq nersorneqartunut ilaavoq
Qatserisartut pingasut ukiuni qulini qatserisartuusimanerannut atatillugu Sisimiuni Qeqqata Kommuniata ataatsimiittarfiani nersorniarneqarput.
Upalungaarsimanermut mesteri UvdloriaK’ Mølgaard aamma upalungaarsimanermut mesteri Poul Olsen kiisalu upalungaarsimanermut assistenti Ovinguaq Berthelsen nersorneqarput.
UvdloriaK’ Mølgaard 2002-mi qatserisartunngorpoq, 2004-milu upalungaarsimanermut mesterinngorluni.
- Poul Olsen 2001-mi qatserisartunngorpoq, nunatsinni Danmarkimilu illoqarfinni assigiinngitsuni qatserisartuuneq misilittagaqarfigisimallugu. Pouli qatserisartutut kinguaariit pingajussaraat. Aataa ataataalu qatserisartuusimapput, Poulillu anguniartuarsimavaa ilaquttani malillugit qatserisartuunissani, Qeqqata Kommunia nalunaaruteqarpoq. Kommunimi qatserisartut 100-t missaanniittut aamma nalunaarutigineqarpoq.
- Ovinguaq Berthelsen 1998-mi qatserisartunngorpoq, 2001-milu unikkallarsimalluni. Ovinguaq 2007-mi qatserisartuunini nangeqqippaa.
Assit ataani takukkit