Assit takukkit: Sisimiuni nerisassat issunngortillugit suliarineqartalersut

Ilulissani sikumerngit aatseriarlugit nunarsuatta kangianut iminngorlugit tuniniarneqartalersimanerat pillugit nittartakkami tallimanngormat allaaserisaqartoqareerpoq.

Sisimiuni aamma suliniuteqartoqarpoq. Nerisassat iginneqartarunnaarput. Containerit immikkut sanaajusut atorlugit siunissami sisimiormiut tomatinik naatitsisinnaanngussapput, tassani nerisassat issunngortitat atorlugit naatitsisoqartalissalluni.

Naatsiiat qalipai, nerisassat, aalisakkai amii kiisalu tiinut poorineqartartut atorneqartarput. Sapaatip akunneranut ataasiarluni aaneqartarput.

Akulerunneqartartut
Nerisassat qisunnik Sisimiuni eqqaavissuarmut igiinnakkanut akuliunneqartarput. Aserorterutitigullu kingorna taava ingerlatinneqartarput, containerimullu kingorna ikineqartarlutik. Eqqakkat taamaalinerani 30 gradimut kisssanneqartarput, eqqakkallu taamaalinikkut saanngutinngortikkiartuaarneqartarlutik.

Taamaasereeraangat naggorissaatitut siammarterneqartarput. Qaammatini arlalinni uninngareeraangamik inerittarput. Naasorissaatissatut eqqakkanulluunniit assiutitut atorneqartarput.

- Misiligutitut suliaraarput. Pisiniarfiit 20-t, suliffeqarfiit, igaffissuit inoqutigiillu, nerisassat sinneruttut igiinnagassat sapaatip akunneranut 3000 aamma 5000 kiilut akornanniittut tunniuttarpaat, ingerlatsisoq Martin Jungersen Qeqqata Kommunianut tusagassiutinut nalunaarummi oqarpoq.

Eqqaaveqarfiup torersaanneqarnissaa anguniarlugu taamatut sulisoqarpoq.

Assit ataani takukkit