GM futsal
Assit takukkit: SAK GM-imi pissartanngortut
Nukappiaqqat 18-t ataallugit ukiullit futsalimi pissartanngorniunneranni Sisimiuneersut pissartanngorput
Illup iluani isikkamik arsaannermi nukappiaqqat inuusuttuaqqat 18-it ataallugit ukiullit GM-erput Ilulissani.
Futsalimi GM-rtoqarnerani ukioq kingulleq pissartanngortut nuummeersut, B-67, N-48-lu Ilulissaneersut pissartanngorniunnissamut unammipput. Tassani Iluliarmiut 4-2-mik ajugaapput. Pissartanngorniunnissamut anngunniuttuni tulliuttumi Sisimiuneersut SAK Maniitsormiunut Kâgssassummut 4-3-mik ajugaapput.
Kâgssassuk bronzennanniunnermi B-67-mut ajugaavoq 4-1-mik.
Pissartanngorniunnermi N-48 aamma SAK unammipput. Tassani SAK 2-4-mik ajugaavoq. Taamaasilluni SAK Nunatsinni 18-t ataallugit ukiulinni futsalimi pissartanngorput.
K-1933 ukioq kingulleq siilvinnattut peqataasussaagaluarput. Silarlunnera timmisartullu ajoqquteqarnera pissutaalluni peqataanngitsoorput.
18-t ataallugit arsaatillaqqinnerpaatut toqqarneqartut:
- Peter Johansen N-48 (målmandi)
- Peter Fr. Samuelsen Kugsak-45
- Søren Kreutzmann SAK
- Ivik Olsen B-67
- Aqqaluuti Jensen N-48
Angusat talerpiata tungaani takuneqarsinnaapput, kiisalu assit ataani aamma takuneqarsinnaallutik