Angusat

Assit takukkit: Qaanaami aatsaat taama tunisisoqartigaaq

Qalerallit tulaassukkat 109 tonsit Qaanaami tulaassukkani maannamut qaffasinnerpaajupput, taamaasillunilu ukiut marluk kingulliit ingerlaneranni tulaassukkat tallimariaatinngortinneqarput, Royal Greenland allappoq

Maria Winsløw Berthelsen Maria Winsløw Berthelsen Maria Winsløw Berthelsen Maria Winsløw Berthelsen Maria Winsløw Berthelsen Maria Winsløw Berthelsen

Royal Greenlandip Arctic Green Foodip Qaanaami tunisassiorfigisimasaanik tigusinerata kingorna illoqarfimmi qaleralinnik tulaassuilernissaq suliffeqarfiup siorna juunip 26-ani piareersaasiorlugu aallartippaa. Tulaassuineq ukioq manna januaarimi aallartinneqarpoq, qaammatillu tallimat qaangiusimalerneranni tullaassukkat 108.557 kg-uupput. Ukiup siuliini tulaassuisoqarnerpaammat 20 tonserluinnangajaat angusaasimapput.
- Angusaq kusanartoq naammagisimaarparput, kisianni aatsaat aallartilaarpugut, januaarimilu imaq sikuppat Qeqertat eqqaanni Qaanaamiit 70 km-isut ungasitsigisumi aalisalernissarput pilersaarutigaarput. Aalisarnerullu qanoq ingerlanissaa takujumaarparput, Qeqertarsuup tunuaniit Qaanaaq angullugu qalerallerinermi ingerlatsisoq Niels Ole Møller oqarpoq.
Qaanaami 53-inik aalisartoqarpoq, ilaat aalisarluartut ilaallu aallarterlaat. Maannamut aalisarneq sikumiit ingerlanneqarpoq, tamaani aalisarneq nutaajummat, aasamilu umiatsiamit aalisarneq tamaani suli atorluarneqalinngimmat.
Royal Greenlandip aappaagu aalisarnissaq neriulluarfigaa, taamanikkornissaanullu tunisassiornivik aallartinneqassaaq.

Powered by Labrador CMS