upalungaarsimaneq
Assit takukkit: Politiit nutaamik oqarasuaatikkut saaffiginnittarfittaarput
Ullumikkumiik politiit oqarasuaataat sumiiffimmit ataasiinnarmit akineqartalissapput
Nalunaaqutaq 11.30 ullumi marlunngornermi aggustip 16-ani, Nunatsinni Politiit nuna tamakkerlugu saaffiginnittarfik nutaaq Nuummi politeeqarfimmi atoqqaarfissiortippaat.
Naalagaaffiup politiivini pisortaq, Jens Henrik Højbjerg, politimesteri Bjørn Tegner Bay peqatigalugu saaffiginnittarfittaaq sinerissami politeeqarfinnut videokkut attaveqarlutik atoqqaarfissiortimmassuk tamanna pivoq.
Piareersarneq
Tamatuma siorna qaammaterpassuarni saaffiginnittarfimmi ingerlatsisussanik sulisussarsiornerit aamma sulisunik ilinniartitsinerit sulisoqarpoq.
Tassami innuttaasut sumiikkaluarunilluunniit saaffiginnitsillutik, pitsaasumik sullinneqarnertik misigisassavaat.
Atuaruk: Saaffiginnittarfik nutaaq ima ingerlanneqarpoq
Iniuaqatigiinni ikinnerusuni oqilisaataasoq
- Politiinut ataasiakkaanut suliffiup pitsaanerulerneranik kinguneqarpoq, suliassanik pitsaanerusumik pingaarnersiuineq aamma isumannaallisaaneq annertunerusoq. Innuttaasut politiit attaveqarfigiuaannarsinnaalissavaat. Kalaallisut, qallunaatut imaluunniit tuluttut oqalukkaluaraanni politiit oqaloqatigineqarsinnaassapput, ammaanersiornermut atatillugu politiit pisortaat, Jens Henrik Højbjerg oqarpoq.
Saaffiginnittarfik nutaaq uani ataani assini takuuk