soraarninngortoq
Assit takukkit: Pisortani ukiut 45-it atorfeqareerluni soraarninngortoq
Qeqqata Kommunia sulisuminut aalajaalluni ukiuni 45-ni atorfeqareerluni soraarninngortumut inuulluaqqusisimavoq
Tallimanngonermi januarip naggataani Sisimiuni kommunalbestyrelsip ataatsimiittarfiani Rosa Heilmann ilassinninnertalimmik inuulluaqquneqarpoq.
Rosa Heilmannimi pisortani ukiut 45-t sinnerlugit atorfeqareerluni soraarninngorpoq.
Taama Qeqqata Kommunia tusagassiuutinut nalunaaruteqarluni allappoq.
- Isikkumigut utoqqalinngikkaluarluni immaqa inuusuttutut isikkoqarnerugaluarluni, inuunitsinnili kuisinnermut allagartatta salloqittarsinnaanngiivippaatigut. Taamaammat taanna tunngavigalugu naggataarnersiorneq maanna ingerlapparput. Qujanarujussuaq Sisimiut Kommuniani, massakkullu Qeqqata Kommuniani sulisimaninnut. Ajunnginnerpaamik siunissamut ilaquttatillu kissaappassi, taamatut oqaaseqarpoq borgmesteri Hermann Berthelsen Rosa Heilmannimut ilassinninnertalimmik inuulluaqqusisoqarnerani.
Rosa Heilmannip ilaqutai, suleqatai ikinngutaalu ilassinninnermi najuupput, ilaatigut kalaaliminernik mamarunartorsuarnik sassaallerfigineqarlutik.
Assit allaaserisap ataani takukkit