nersornaasiineq

Assit takukkit: Pilersuisumi sulisut marluk nersornaaserneqartut

KNI-mi sulisut marluk ukiuni 40-ni ingerlatsivimmi sulisimanertik pissutigalugu saqqarmiumik Dronningens Fortjenstmedaljemik sølvimik nersornaanerneqarput

Pisiniarfiutileqatigiiffiup pisortaata Finn Fabriciusip Anthonette Jakobsen nersornaaserpaa KNIAnthonette Jakobsen Finn Fabriciusilu KNIAnthonette Jakobsen qujassummik oqalugiarpoq KNIKarlinep arni oqalugiarfigaa KNIAnthonette Jakobsen nersornaaserneqarnermi kingorna qitornani ernuttanilu ilagalugit assilineqarpoq: Saamerlerniit: Karline erni kissumiarlugu, Victoria, Kiistaaraq, Eli, Ronnie, Anthonette, Aqqaluartaa, Angutinnguaq, Angutivaraq aamma Nukarleq KNIqErinarsoqatigiit Erinalik erinarsorpaat ´Sinniisiga asavakkit´ KNIBirthe Lyberth fortjentsmedaljemik nersornaaserneqaqqammersoq KNIBirthe Lyberth pisiniarfiutileqatigiiffiullu pisortaa Finn Fabricius KNIBirthe Lyberth qatanngunnilu arnaq. Birthep pania ernutaalu tunuanni talerpia'tungaaniipput KNIBirthe Lyberth Kangaamiunilu Pilersuisumi suleqatai KNI

KNIKNIKNIKNIKNIqKNIKNIKNIKNIKNI

Nuka Jørgensen

tallimann 11. dec 2015 15:50

Annonse

Pilersuisumi sulisut marluk, Anthonette Jakobsen, Atammimmi atorfilik, aamma Birthe Lyberth, Kangaamiuni atorfilik, sapaatip akunnerani unani nersornaammik Dronningens Fortjentsmedaljemik sølvimik nersornaaserneqarput.

Nersornaat tunniunneqartarpoq inunnut ´pisortani sivikinnerpaamik ukiuni 40-ni ataqatigiissumik nersortarialimmik atorfeqarsimasunut´.

Tulleriisiinnarlugit

Anthonette Jakobsen nersornaaserneqarpoq decembarip 8-anni, Birthe Lyberthilu nersornaaserneqarluni decembarip 9-anni. Nersornaatit tunniunneqarput niuertarfiutileqatigiiffiup Pilersuisup pisortaanit Finn Fabriciusimit kujataanilu tuniniaanermut pisortamit Arne Lyberth Petersenimit.

Qaqutigoortoq

– Qaqutigoortuuvoq KNI-mi suleqatit taassuminnga nersornaaserneqartarnerat, taamaattumillu nersornaatit tunniussinnaagakkit nuannaarutigisorujussuuvara, Finn Fabricius oqarpoq, Anthonette Jakobsenillu eqiasuissusia tunniusimassusialu nalissaqanngilluinnartutut oqaatigalugit.

1972-imi atorfinittoq

Anthonette Jakobsen KGH/KNI-mi atorfinitsitaasimavoq 1972-imi septembarip aallaqqaataani. 1985-imi pisortamut tullinngorpoq, 2013-imilu niuertutut atorfinitsinneqarluni.

– Aallartikkavit sorpassuit allaanerusimapput. Suliat timikkut tamaviaarnarsimaqaat, nukersortariaqarluinnarsimavorlu. Taamanikkut sioraasat, qajuusat allallu poorsuarnut tikisinneqartarsimapput uuttortarneqartarlutillu. Nioqqutissat umiarsuaaqqamik tikittut sissiukkamiit niuertarfimmut trillebørinik assartorneqartarsimapput, Finn Fabricius oqaluttuarpoq.

Innaallagiaqanngitsoq

Tamatuma saniatigut innaallagiaqarsimanngilaq. Suut tamarmik qangatut ingerlanneqartarput, qarasaasiaqanngitsumik allanillu atortorissaateqanngitsumik.

– Niuertutut sulinerit ingerlalluarsimaqaat. Suleqatinnit nuannarineqaqaatit, tamatigullu pingaartittarsimavat pisiniarfiup allallu torersuunissaat. KGH/KNI/Pilersuisoq tamatigut pitsaanerpaamik takutinniartarsimavat suleqatinnut, sulisitsisunnut minnerunngitsumillu pisinianut iluaqutaasumik. Tamanna pillugu qujanarujussuaq, pisiniarfiutileqatigiiffiup pisortaa oqarpoq.

Allaffimmi

Birthe Lyberthimut, 1975-imi juunip 15-ianni atorfinissimasunut, nersornaat tunniunneqarpoq Pilersuisup Kangaamiuni allaffiani.

Tamatumanissaaq nersornaaserneqartoq nersualaarneqarpoq, taassumalu erseqqissarsimavaa ulloq taanna persuarsiorfiussanngitsoq.

– Sulinerit tamatigut nuannarisuusimavat, tamatigullu paarilluartarsimallugu. Piffissaq eqqorlugu suliartortarnissaq tamatigut pingaartittarsimavat, tamatigullu suleqatitit ataqqinnittumik pissusilersorfigisarlugit. Nammineerlutit suliassarsiortarsimavutit - sulilu taamaasiortarlutit - qullersannit naalakkerneqarnissaat utaqqiinnartarnagu, Finn Fabricius ilaatigut oqarpoq.

Nersornaasiinernit assit ataani takukkit