Nuuk
Assit takukkit: Nuummi inissiaq ikuallappoq - inunnik ajoqusertoqanngilaq
Nuummi politiit aamma qatserisartut Nuup ilaani Narsarsuarmi inissiarsuit ilaanni tallimanngornermi ullaakkut ikuallattumukarput. Assit takukkit
Annonse
Nuup ilaani Narsarsuarmi inissiarsuit ilaanni inissiaq ikuallammat Nuummi politiit qatserisartullu tallimanngornermi ullaakkut aggersarneqarput.
Qujanartumik ikuallattoqarnerani inunnik ajoqusertoqarsimanngitsoq, qatserisartut inissiamut blok 5-imi quleriit pingajuanniittumut, sisamanillu najugaqarfigineqartumut, iseramik paasivaat.
Video: Inissiaq nungulluni ikuallattoq
Taama Nuummi politiit pigaartua, Brian Thomsen, Sermitsiaq.AG-mut oqaluttuarpoq.
Ikuallanneq, politiit nassuiaanerat naapertorlugu, sinittarfimmi aallartissimavoq, inissiallu sinnerani assut paatitsisimalluni.
Politiit ikuallannermut aallarniutaasoq misissuiffigileruttorpaat.
Assit allaaserisat ataani takukkit