Nuuk

Assit takukkit: Nuummi annilaarnartumik pisoqarnera

Angut qoorortuumik imminut toqunniarluni siorasaarimmat politiit sakkulersorlutik ornigupput - qujanartumik pisumi aallaammik seqqortoqanngilaq

Angut imminut toqunniarluni siorasaarimmat politiit sakkulersorlutik takkupput
Aqqusineq Attartu politiinit assersorneqarpoq
Kangillinnguini atuartut aniasinneqarput
Aqqusineq Attartu politiinit assersorneqarpoq Leiff JosefsenKangillinnguini atuartut aniasinneqarput Benny KokholmAngut imminut toqunniarluni siorasaarimmat politiit sakkulersorlutik takkupput Benny KokholmAqqusineq Attartu politiinit assersorneqarpoq Leiff JosefsenKangillinnguini atuartut aniasinneqarput Benny KokholmAngut imminut toqunniarluni siorasaarimmat politiit sakkulersorlutik takkupput Benny KokholmAqqusineq Attartu politiinit assersorneqarpoq Leiff Josefsen

Nuummi sumiiffiit ilaanni Nuussuarmi aqqusinermi Attartumi angut imminut aallaaniarluni siorasaarimmat politiit aqqusineq matuaat.

Angutip ilaquttani aallaasini pillugu aliasulluni oqarfigisimavaa, ilaqutaasullu tamanna politiinut kalerriutigaa.

Pisoq politiinit upalungaarsimaneqarpoq. Arlaannik navianartumik pisoqarsimanngitsoq politiinit Taatsi Fleischer nalunaarpoq. Navianartoqarsinnaanerali pissutigalugu aqqusinernik matooraasariaqarsimallutik nalunaarutigaat.

Politiit sakkulersorlutik pisumut apuupput. Angut siorasaarisoq isumaqatiginninniarfigineqarpoq unitsinniarlugu. Akunnerit arlaqartut qaangiuttut tamanna iluatsinneqarpoq. Angut nammineerluni ineqarfigisaminit anivoq. Eqqissisimasumik tamanna ingerlanneqarpoq. Aallaasimik paarisaqannginnini politiinut nalunaarutigaa.

Angut imminut toqunnissamik siorasaarisoq aallaasimik seqqunngilaq.

Pisoq qaangiummat paaqqinnittarfik ingerlaannartumik nalunaarfigineqarpoq pisoq qaangiuttoq. Meeqqat atuarfiani Kangilinnguani atuartut atuarneranni aamma aniasinneqarput.

Assit pingasut ataani takukkit

Powered by Labrador CMS