Skip to main content

Assit takukkit: Nunarsuarmi aallakaatitassiani aliikkutassiaasuni pisoqaanersaq

DR-ip Juullimi Nunatsinnut Inuulluaqqussutaa ukiormanna aamma ussagarneqarluarpoq

Juulli uummatit kisimik nalliuttorsiutiginngilaat, kisianni aamma ileqqut maligarisanut nalliuttorsiorfiuvoq. Danmarkimit Kalaallit Nunaannut juullimi inuulluaqqusinermik aallakaatitsisoqaleraangat taakku pingaartinneqartarput.

Weekendimi Inuit peqatigiiffiata inuulluaqqussutaa pivoq, ippassarlu DR-ip aaqqissorluarsimasaa pivoq. Pisullu taakku marluk pisarneq malillugu ussagarneqarluarput. Vejlemi 1.300-nit amerlanerupput. DR-illu Nunatsinnut inuulluaqqusinerani Aalborgimi Musikkens Husimi inissaatai 1.300-t minutsit arlaqanngitsut ingerlanerini nungunneqarput, isiginnaartullu amerlasuut qaammatini arlalinni pissangallutik utaqqisuniissimapput.

Isiginnaartut akornanni kalaallit-danskillu Jyllandip avannaaneersut ilisarnartut takussaapput, taakku attortinnartumik misigisaqarput.

Ukiormanna aallakaatitassiaq tassaarsuaqarneranut tunngatinneqarpoq, ''Guuterput'' atorneqannginnerani kakkissarfiit saqqummerneqarput.

Nive and the Deer Children, Da Bartali Crew, aamma erinarsoqatigiit Ikinngutigiit kiisalu agiartartut Aalborgimi Symfoniorkesterimeersut aliikkusersuisuupput. Juullimi inuulluaqqusinermi siorna aamma saqqummiisuusut Maria Motzfeldt aamma Tim Vladimir saqqummeeqqipput.

Takutitsinerup saniatigut isiginnaartut Nunatsinni ikinngutiminnut ilisarisimasaminnullu inuulluaqqusinissaminnut periarfissinneqarput. Inuulluaqqussutit DR-ip nittartagaatigut decembarip 17-anni aallakaatinneqarnerani takuneqarsinnaassapput.

Aallakaatitassiaq 1932-mi aallartinneqarpoq, inuussutissarsiornermut aqutsisup, Andreas Lund-Drosvadip,  Upernaviup eqqaani Kangersuatsiami Naalagaaffiup radioanut allammat ''Stationen hen under Jul en Nat eller to kunde sende gratis Julehilsner fra Forældre og Slægtninge i Danmark til Paarørende heroppe." Taamanernilli DR Kalaallit Nunaannut inuulluaqqussummik aallakaatitsisalerpoq, siullermik radiokkut kingornalu 1985-imi TV-ikkut. Nunatsinnut Juullimi Inuulluaqqusineq taamaattumik aallakaatitassiani aliikkutassiaasuni pisoqaanersaanerarneqartarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER