nuan
Assit takukkit: Nipilersortartut ilisimaneqartut Sarpiimmi nuannisartitsisut
Suliniut Sarpiik Peqatigiiffik Kalaallit Meerartaannit Ilulissani, Nuummi Qaqortumilu ingerlanneqartup nuna tamakkerlugu TV-kkut aningaasanik katersiniartoqareersoq aningaasanik tunineqaqqammerpoq
Nipilersortartuni nuannarineqarluartuni erinarsortartut qatanngutigiit Frederik aamma Christian Elsner, Nanook, aamma René M. Fleischer, Disco Bay Blues, Ilulissani suliniummi Sarpiimmi pulaarput.
Atuartut najugaqarfianni namminneq kajumissutsiminnik ineqartunut tusarnaartitsipput.
Suliniummi suleqataasoq Jens Pele Sakæussen oqaluttuarpoq:
'Atuartut najugaqarfianni najugaqartut 19-it, namminneq kajumissutsimik suliaqartut marluk suliniummullu suliaqartut marluk atuartut najugaqarfiannukarput. Pingasunik kaagiliorpugut, ineqarfigisamilu sulisoq ataatsimik kaagiliorluni. Naatitartorlutalu saftitorpugut. Atuartut najugaqarfianni 13.30 naapippugut piareersaalerlutalu. Meeqqat ikiuupput. Nuannisaqatigiippugut aamma ineqartunik apersuivugut Sarpiik pillugu. Nanuummi Dico Bay Bluesimilu nipilersortartut takkummata meeqqat nipaarrapput. Nanuummi nipilersortartut meeqqat aperaat taama nipaatsigiuaannarnersut. Ulloq atorparput nuannisaqatigiilluta. Nanook aamma Disco Bay Bluesip atortakkatik atorpaat, naggataani najugaqartoq aamma peqataavoq. Niviarsiaraq naggataani guitarerluni nipilersoqataavoq.'
TV-kkut aningaasanik katersuiniarneq
Suliniut Sarpiik Peqatigiiffik Kalaallit Meerartaannit Ilulissani, Nuummi Qaqortumilu ingerlanneqartup nuna tamakkerlugu TV-kkut aningaasanik katersuiniarpoq oktobarip qulingani.
10. klassimi atuartut suliniutinik assigiinngitsunik sammisaqarsinnaasut Peqatigiiffik Kalaallit Meeqartaanit oqaatigineqarpoq, siunissami ilinniaqqiffissanut ingerlariaqqissinnaanissaat anguniarneqassalluni. Mads Lumholtip nipilersortartut nersualaarpai ima oqarluni:
- Meeqqat imminnut tatiginerulernissaat anguniarlugu qiimmassaasinnaasunik amigaateqarpugut. Taamaammat nuannaarutigaarput taamaattumik aaqqissuisoqarnera, meeqqammi nuannaartorisaqarnissaat pisariaqarpoq.
Assit ataani takukkit